Eńbek mınıstrligi Qazaqstandaǵy ortasha zeınetaqy mólsherin jarııalady
Elimizde 2017 jyldyń 1 qyrkúıeginde ortasha zeınetaqy mólsheri 66 051 teńgeni mejelep otyr. Munymen qosa, zeınetaqy alatyn azamattardyń sany 2 104,2 myń adamdy qurady.
2017 jylǵy qańtar-tamyz aılarynda bazalyq zeınetaqyny tóleýge arnalǵan shyǵyndar 223,1 mlrd teńge, al yntymaqty zeınetaqy tólemderine arnalǵan shyǵyndar - 798,5 mlrd teńge boldy.
Búginde 669,6 myń adam memleket tarapynan áleýmettik járdemaqy alýda. Onyń ishinde 506,6 myń adam múgedektigi boıynsha, 161,2 myń adam asyraýshysynan aıyrylý jaǵdaıy boıynsha, 1,8 myń adam jasyna baılanysty memlekettik áleýmettik kómekpen qamtylǵan.
Al, múgedektik boıynsha memlekettik áleýmettik járdemaqynyń ortasha mólsheri 32 392 teńgeni qurasa, asyraýshysynan aıyrylý jaǵdaıy boıynsha tólenetin kómek quny 28 571 teńgeni, sondaı-aq, jasyna baılanysty alatyn álemettik járdemaqy 12 719 teńgeni kórsetti.
Atap óter jaıt, 2017 jylǵy 31 qańtardaǵy Elbasynyń «Qazaqstannyń úshinshi jańǵyrýy: jahandyq básekege qabilettilik» atty Joldaýyn júzege asyrý maqsatynda QR Eńbek jáne halyqty áleýmettik qorǵaý mınıstrligi «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» Zań jobasyn ázirlep, oǵan Memleket basshysy qol qoıǵan bolatyn. Atalǵan qujat arqyly 2017 jyldyń 1 shildesinen bastap ótken jylmen salystyrǵanda zeınetaqy mólsheri 20%-ǵa artty.