Eńbek mınıstri: Zeınetaqy jınaqtaryn sheship almaımyn

NUR-SULTAN. QazAqparat – Zeınetaqy jınaqtaryn sheship almaımyn. Bul týraly Ortalyq kommýnıkatsııalar qyzmetinde QR Eńbek jáne halyqty áleýmettik qorǵaý mınıstri Birjan Nurymbetov málim etti, dep habarlaıdy QazAqparat tilshisi.

«Tıisti zań qabyldanǵannan keıin, zeınetaqy jınaqtaýshy qoryndaǵy qarajatty sheship alasyz ba?», - dep surady tilshi Eńbek mınıstrinen.

«Bul zań qabyldansa, 2021 jyldan bastap tıisti múmkindik bolady. Jeke óz basym zeınetaqy jınaqtaryn sheship almaımyn. Sebebi bul qarajat ózimniń zeınetaqylyq qamtamasyz etý baǵytynda qajet bolady. Eger ondaǵy qajetti somany sheship alsam, zeınet jasyna jetken kezde, mende memleketten alatyn zeınetaqy óte tómen bolady. Sondyqtan ózimniń zeınetaqy jınaǵyma senim artyp otyrmyn», - dedi Birjan Nurymbetov.

Budan buryn habarlanǵandaı, QR Eńbek jáne halyqty áleýmettik qorǵaý mınıstri « jetkiliktik shegine « qatysty túsinik berdi.

Aıta keteıik, zeınetaqy qarajatynyń bir bóligin paıdalaný quqyǵy 2021 jyldan bastap beriletin bolady. Zeınetaqy jınaqtarynyń bir bóligi turǵyn úı jaǵdaıyn jaqsartý, emdelý nemese qarjy kompanııalaryna basqarýǵa berý úshin alynýy múmkin. Eger maqsatty paıdalanýǵa qajet bolsa, otbasy músheleriniń qarajatyn biriktirýge bolady.