Eńbek mınıstri tabysy joǵary salalardy atady
Byltyr jumysqa ornalasqan kolledj túlekteriniń 57 paıyzy ónimdiligi tómen salalarda jumys isteıdi. Muny Úkimet otyrysynda Eńbek jáne halyqty áleýmettik qorǵaý mınıstri Svetlana Jaqypova aıtty, dep habarlaıdy Kazinform agenttigi.
«Jumyspen qamtylǵan halyqtyń jartysyna jýyǵynda, ıaǵnı 9,1 mln adamnyń 4,4 mıllıonynda kásiptik-tehnıkalyq bilimi bar. Sondyqtan tehnıkalyq jáne kásiptik bilim júıesiniń sapasy búkil ekonomıkadaǵy ónimdilikke jáne halyqtyń tabysyna aıtarlyqtaı áser etedi. Búgingi tańda Qazaqstan ónimdilik damyǵan elderden orta eseppen 4 ese, Norvegııadan – 7 ese, Germanııa, Frantsııa, Fınlıandııa, Ulybrıtanııa, Italııadan 5 ese artta qalyp otyr», - dep derekter keltirdi mınıstr.
Svetlana Jaqypovanyń sózine saı, kásiptik-tehnıkalyq bilimi bar azamattar negizinen saýda, ónerkásip jáne aýyl sharýashylyǵy salalarynda jumys isteıdi.
«Bizdiń aqparattyq júıelerimizdiń málimetteri boıynsha, ónerkásip, densaýlyq saqtaý, kólik jáne qurylys salasynda jumys isteıtinder eń joǵary tabys pen ónimdilikke ıe. Bul rette 2022 jylǵy jumysqa ornalastyrylǵan túlekterdiń 57%-y ónimdiligi tómen salalarda jumys isteıdi, bul tıisinshe olardyń tabysyna áser etedi»», - dedi Svetlana Jaqypova.
Mınıstr sonymen birge shahterlerdiń zeınet jasyn tómendetý máselesi qashan sheshiletinin aıtty.
