Eń sátti damý bilim, ǵylym jáne óndiristiń tıimdi árekettestik tetigi jasalǵan elderde baıqalýda - A. Esimov

 ALMATY. 23 qarasha. QazAqparat - Almatyda ındýstrııalandyrý kartasy boıynsha iske qosylǵan 16 jobanyń qazirgi tańda úsheýi halyqaralyq sapa menedjmenti júıesi sertıfıkatyn aldy, al toǵyzy óz salalarynda ınnovator bolyp otyr.

 Bul týraly búgin ІІІ Almaty ınnnovatsııalyq konventi aıasynda ótip jatqan «Almaty halyqaralyq ınnovatsııalyq forýmynda» aıtyldy.

«Almatyda ındýstrııalandyrý kartasy aıasynda 540 mıllıard teńgeniń 29 ınvestıtsııalyq jobalary júzege asyrylýda. Onda 10 myńǵa jýyq jańa jumys ornyn qurý josparlanǵan.  Bul biz úshin mańyzdy másele. Birinshiden - bul  óndiris, ekinshiden - barlyq ekologııa talaptaryna jaýap berdi, úshinshiden - áleýmettik mańyzy asa joǵary. Qazir qalada  tirkelgen jumyssyzdyq deńgeıi 3 myńǵa jýyq adamdy quraıdy. Ol  ekonomıkalyq jaǵynan belsendi turǵyndardyń 0,3 paıyzy.  Bul halyqtyń jumyspen qamtylýynyń resmı statıstıkasy júrgizile bastaǵan 1994 jyldan bergi eń tómengi kórsetkish», - deıdi qala ákimi Ahmetjan Esimov.

A.Smaǵululynyń aıtýynsha, álemdik tájirıbege qaraǵanda qazir eń sátti damý bilim, ǵylym jáne óndiristiń tıimdi árekettestik tetigi jasalǵan elderde baıqalýda. Memlekettiń ıntellektýaldyq áleýeti mańyzdy strategııalyq resýrs retinde qaralýda. Ondaǵy kiris shıkizat resýrstaryn satýdan áldeqaıda joǵary.