Eń kóp mektep qaı óńirde salyndy

ASTANA. KAZINFORM — 2025 jylǵy qańtar-tamyz aılarynda qurylys jumystarynyń kólemi 18,1% ósip, 4 851 mlrd teńge boldy. Bul týraly Ulttyq statıstıka bıýrosy habarlady. 

Ósim eldiń 18 óńirinde baıqaldy. Eń joǵary kórsetkishter Qyzylorda (+44,6%), Soltústik Qazaqstan (+41,5%), Batys Qazaqstan (+37,5%), Qostanaı (+35,6%), Jetisý (+29,6%) jáne Túrkistan (+27,2%) oblystarynda tirkeldi.

Atqarylǵan jumystardyń negizgi bóligi joldar men metro qurylysyna (24,3%), turǵyn emes ǵımarattarǵa (21,8%) jáne turǵyn úılerge (13%) tıesili.

Paıdalanýǵa berilgen turǵyn úıdiń jalpy alańy byltyrǵy qańtar-tamyz aılarymen salystyrǵanda 4,5% ósip, 10 935,3 myń sharshy metr boldy. Onyń ishinde 21,1 myń — jeke úıler, 1,1 myń — kóppáterli úıler, 23 — jataqhana.

Segiz aıda bilim berý salasynda 145 myń oqýshyǵa arnalǵan 140 mektep salyndy, onyń ishinde 55-i aýyldyq jerde. Sondaı-aq 4,2 myń orynǵa arnalǵan mektepke deıingi 27 (15-i aýylda) uıym ashyldy. Eń kóp mektep Túrkistan oblysynda (21), Astanada (17) jáne Jambyl oblysynda (14) paıdalanýǵa berildi. Jańa balabaqshalardyń sany boıynsha da Túrkistan oblysy kósh bastap tur — 8 nysan. 

Aıta ketelik qurylys salasyndaǵy ózgeris: BIM tehnologııasy, tsıfrlyq platforma jáne jańa kodeks týraly jazǵan edik.