Emdelýshiler nege Prezıdent Іs Basqarmasy medıtsınalyq ortalyǵyn tańdaıdy
Ashylǵanyna bir aı ǵana bolǵan QR Prezıdenti Іs Basqarmasy medıtsınalyq ortalyǵy aýrýhanasynyń emdeý-dıagnostıkalyq blogynda patsıentterdiń qarasy kóp. Bul jerde elimizdiń túkpir-túkpirinen kelgen azamattar em alyp jatyr. Emdeý blogy zamanaýı tehnologııalarmen jabdyqtalǵan jáne onda joǵary bilikti mamandar jumys isteıdi.
Sholpan Júzbaeva elordanyń biraz aýrýhanasynda emdeldi. Patsıent balalarynyń keńesine qulaq asyp, úzdik medıtsınalyq qyzmetke qol jetkizý maqsatynda QR Prezıdenti Іs Basqarmasy medıtsınalyq ortalyǵyna júgingen.
«Altynshy kún emdelip jatyrmyn. Bul klınıka týraly burynnan bilemin. Qysym, bas aýrýy qatty azaptady. Balalarym osy klınıkaǵa kelýge keńes berdi. Aıtýlarynsha, bul jerde jaqsy qyzmet usynylady jáne kóptegen patsıent emdelip shyqqan. Rasynda, basqa klınıkalarmen salystyrǵanda joǵary deńgeıde. Barlyq jaǵdaı jasalǵan. Bir kúnnen soń shyǵamyn, sebebi barlyq medıtsınalyq synaq oń nátıjeli, jaǵdaı turaqtaldy»,- dedi kardıologııa bóliminde emdelip jatqan Sholpan Júzbaeva.
Álim Bekishev QR Prezıdenti Іs Basqarmasy medıtsınalyq ortalyǵynyń aýrýhanasynda birneshe ret emdelgen.
«Bir jyl buryn kúrdeli ota jasaldy. Jyl saıyn josparly túrde aýrýhanaǵa jatyp turamyn. Bıylda jyl sońynda emdelýdi sheshtim. Árdaıym terapevt, kardıolog jáne basqa da dárigerlerdiń baqylaýyndamyn. Basynda qysymnyń aýytqýy boldy. Dárigerlerdiń arqasynda az ýaqytta qysymym qalypqa keldi. Qazir ózimdi jaqsy sezinemin, energııanyń joǵarylaýy baıqalady. Árıne, densaýlyq qymbat. Sondyqtan qyzmetkerlerge, dárigerlerge, ásirese kardıologııa bóliminiń meńgerýshisi Gúlban Jaqsybaevaǵa alǵysymdy bildiremin. Otadan keıin ońaltý kezinde tikeleı sol kisiniń baqylaýynda boldym. Basshylyq deńgeıinde ár patsıentke jeke qamqorlyq jasalady. Dárigerler óziniń kásipqoı maman ekenin dáleldeýde», - dep bólisti naýqas.
Medıtsınalyq ortalyqtyń kardıologııa bólimi 32 patsıentke arnalǵan. 13 eki oryndyq jáne 6 bir adamdyq tósek-oryn bar. Bólim meńgerýshisi Gúlbaný Knıazevanyń aıtýynsha, kádimgi protsedýralardan bólek, ıadrolyq medıtsına ortalyǵynyń bazasynda júrektiń bir fotondy emıssııalyq kompıýterlik tomografııasyn jasaý múmkindigi bar.
«Atalǵan zertteý tek bizdiń aýrýhanada ǵana júrgiziledi. Ol júrek mıokardynyń ómirsheńdigin baǵalaýǵa múmkindik beredi. Bul tekserý patsıentterdi hırýrgııalyq emdeýge irikteý men baǵalaýda sonymen qatar qandaı emdik ádisti tańdaýǵa bolatyndyǵyn anyqtaýǵa kómektesedi. ıAǵnı dástúrli em nemese dári-dármekti qoldaný. Bizdiń bólimde tórt kardıolog jumys isteıdi. Olar taǵylymdamadan ótken jáne fýnktsıonaldy dıagnostıkanyń barlyq ádisin meńgergen. Bizde tirkelgen azamattarmen qatar óńirlerden kelgen patsıentter de emdeledi. Naýqastar memlekettik portal arqyly nemese aqyly negizde júgine alady», - dep túsindirdi Gúlbaný Knıazeva.
Kardıologııa bólimine patsıentterdiń qashan jáne qandaı jaǵdaıda túsetini belgisiz. Sondyqtan da dárigerler árqashan qyraǵy.
«Naýqastardy shuǵyl jáne josparly túrde qabyldaımyz. Patsıentter aýyr jaǵdaımen kelip, aıaǵynan tik turyp ketip jatady. Eń aýyry júreginde aqaýy barlar, al eń jaqsysy dertine em izdegen jandarǵa kómektesý, olardyń saýyǵýy. Kútpegen, shuǵyl jaǵdaılar jıi bolyp turady. Ondaı kezde mamandar tıisti sheshim qabyldap, kómek kórsetedi», - dep bólisti dárigerler Ásel Qasenova men Zarına Ysmaǵulova.
Erekshe patsıentter úshin nemese júrekti tekserý baǵdarlamasy
Buǵan deıin aıtylǵandaı, eń qıyny – júrek aýrýy. Sondyqtan jaqyn arada emdeý-dıagnostıkalyq blokta júrekti tekserýge arnalǵan baǵdarlama qol jetimdi bolmaq. Baǵdarlamaǵa zamanaýı MRT apparaty engiziledi. Júrek bulshyqet klapandaryn zertteý múmkin bolady. Ol úshin aýrýhananyń dárigerleri men medbıkeleri arnaıy daıyndyqtan ótedi.
«Jańa MRT apparaty qoldanystaǵy apparattarǵa qaraǵanda jyldam zertteý júrgizýge múmkindik beredi. Sol sııaqty sýret sapaly ári shý az bolady. Nelikten shýdyń tómen bolǵany jón? Sebebi biz patsıentterdi nevrologııa boıynsha tekseremiz. Joǵary deńgeıli shý naýqasty titirkenýge alyp kelip, teris áser etýi múmkin. Al tómen shý kezinde keskin sapasy joǵalmaıdy. Atalǵan qurylǵyǵa kardıobaǵdarlama ornatylǵan. Astanada ol tek kardıologııalyq ınstıtýtta ǵana bar. Kardıobaǵdarlama kórsetiletin qyzmetter spektrin keńeıtýge jáne tekserýden ótetin patsıentterdiń sanyn ulǵaıtýǵa múmkindik beredi. Patsıentterdi kóbirek qamtýǵa bolady»,- deıdi kompıýterlik magnıtti-rezonansty tomografııa bóliminiń aǵa dárigeri Igor Berestıýk.
Arnaıy apparattyń kómegimen salmaǵy 200 keliden asatyn patsıentti tekserý múmkindigi týraly
Jańa emdeý-dıagnostıkalyq bloktyń taǵy bir artyqshylyǵy - zamanaýı quraldarmen jabdyqtalǵan. Dárigerlerdiń aıtýynsha, qurylǵy neǵurlym zamanaýı bolsa, tekserýge qatysty shekteýler de azaıady. Osy turǵyda kompıýterlik magnıttik-rezonanstyq tomografııa bóliminde eki alyp jabdyq bar.
Apparat arqyly jyldam skanerleýge bolady, sol arqyly patsıent sáýlelik júktemeni az kólemde alady. Odan bólek, qurylǵy salmaǵy 200 keliden joǵary adamdardy tekserýge múmkindik beredi. Áńgime mýltıspıraldy 640 tilimdi kompıýterlik tomografııa apparaty týraly bolyp otyr.
«Apparattyń kómegimen qarapaıym zertteýler bir jarym, eki ese, al mamandandyrylǵan 30 mınýtqa deıin qysqarady. Mamandandyrylǵan zertteý kezinde biz organ qurylymymen qatar qyzmetin de tekseremiz. Qurylǵynyń jańashyldyǵy onyń joǵary júk kótere alatyndyǵy. 640 kesindi KT-men salmaǵy 200 keliden asatyn naýqasty tekserýge bolady, al skanerleý jyldamdyǵy patsıenttiń radıatsııalyq júktemesin azaıtady. ıAǵnı jyldam skanerleýdiń arqasynda qysqa merzimde patsıenttiń sáýlelený yqtımaldyǵy birneshe ese azaıady. Tıisinshe, joǵary jyldamdyqtyń arqasynda búkil deneniń, mıdyń, moıynnyń, parenhımalyq músheler tamyrlaryn zertteýge bolady. Kórsetkish dárigerlerdiń durys sheshim qabyldaýyna múmkindik beredi. Mysaly, baýyrdyń jalpy kólemin ólsheımiz. Transplantatsııa aldynda biz gepatologtarǵa qan tamyrlarynyń anatomııasy jáne sol jáne oń jaq bóliginiń kólemi boıynsha jalpy aqparat beremiz», - dedi kompıýterlik magnıttik-rezonanstyq tomografııa bóliminiń meńgerýshisi Elmıra Elshibaeva.
Kompıýterlik tomograftyń biregeıligi - apparat júrek soǵý jyldamdyǵyna jaýap beredi.
«Aıtalyq, patsıenttiń júrek soǵý jıiligi joǵary, al zertteý júrek soǵý jıiligin retteý úshin beto-blokatorlarsyz júredi. Bul jaǵdaıda naýqas apparatpen tekserý aldynda arnaıy preparattar qabyldaıdy. Alaıda, KT jaǵdaıynda naýqasty preparatsyz tekseremiz. ıAǵnı patsıent ambýlatorııalyq jaǵdaıda aldyn-ala daıyndyqsyz kelip, koronarlyq arterııalarmen qalypty ekenine kóz jetkize alady. Aldymen koronarlyq transklerozdyń skrınıngin júrgizemiz, naýqasta koronarlyq arterııalarynda kaltsınatsııa bar nemese joq bolyp shyǵady. Eger júrektiń ıshemııalyq aýrýy bar ekenin kórsetetin kaltsıı ındeksi joǵary bolsa, okklıýzııa men stenozdy boldyrmaý úshin kontrastty kúsheıtilgen zertteý júrgizemiz. Aıta ketetin jaıt, bul Ortalyq Azııadaǵy jalǵyz apparat, ekinshi apparat Belarýste. Bul biregeı apparat», - dep tolyqtyrdy E. Elshibaeva.
Koronavırýspen kúresken naýqastardy ońaltý
Dárigerler medıtsınadaǵy jańa jaǵdaılar men tendentsııalarǵa beıimdelýdi úırendi. Koronavırýspen kúreske eki jyldyq tájirıbeni eskere otyryp, emdeý-dıagnostıkalyq blokta postkovıdti naýqastardy ońaltý qoljetimdi.
«Birinshiden, koronavırýs sozylmaly aýrýlardyń aǵymyn nasharlatady. Eger naýqasta qant dıabeti bolsa, kovıdten keıin dárigerler qant dıabeti nemese qan qysymyn tómendetetin terapııany qaıta tańdaýy kerek. Koronavırýs barlyq sozylmaly juqpaly emes aýrýlardyń aǵymyn kúsheıtti. Sozylmaly aýrýy bar naýqastarǵa KVI-men kúres qıynǵa soqty. Ekinshiden, naýqastarda kovıdten keıingi kezeńde de asqynýlar órshı tústi. Patsıentterdiń osy sanatymen dárigerlerdiń kópsalaly toby aınalysady. Olar patsıenttiń jaǵdaıyn jan-jaqty zertteıdi jáne barlyq qajettilik boıynsha jaýap beredi», - dep túsindirdi Raýshan Qarabaeva.
Qaterli isik dıagnozyn erte kezeńde anyqtaý
Ókinishke qaraı, elimizde sút bezi qaterligine shaldyqqan áıelder sany artyp keledi. San eksponentsıaldy túrde óse beredi. Alaıda, sońǵy tehnologııalardyń arqasynda durys emdeý jáne qaterli isik dıagnozyn erterek qoıý múmkin bolyp otyr. Emdeý-dıagnostıkalyq blogynda tomosıntez fýnktsııasy bar mammograf jumys isteı bastady.
«Bul bizdegi biregeı qurylǵylardyń biri. Sút bezi aýrýlaryn dálirek dıagnostıkalaýǵa múmkindik beredi. Sol sııaqty kádimgi mammograftan aıyrmashylyǵy, qaterli isikti naqty ajyratyp, anyqtaý múmkindigi. Qaterdi erte anyqtaý sátti emdelýdiń kepili. Sondaı-aq, qurylǵynyń kómegimen sút bezi qaterli isiginen zardap shekken, ota jasaǵan jáne tyrtyq tininde aýrýdyń órshýi bar, aýrýdyń órshýine ákeletin jasýshalary bar áıelderdi tekserýge bolady. Osylaısha, sút bezi qaterli isiginiń úzdiksiz ósýin ýaqytynda kórýge jáne ony ýaqytynda emdeý múmkin. Bir aıda 550 áıel tekserildi», - dedi aýrýhana dırektorynyń emdeý jónindegi orynbasary Raýshan Qarabaeva.
Medıtsınadaǵy jańa trend – personaldandyrý.
Bul oraıda QR Prezıdenti Іs Basqarmasynyń medıtsınalyq ortalyǵy aýrýhanasy dırektorynyń emdeý jónindegi orynbasary Raýshan Qarabaeva atap ótkendeı, atalǵan ortalyq patsıentterge medıtsınalyq qyzmettiń barlyq tsıklin usynady. Atap aıtqanda, dıagnostıka, emdeý, ońaltý, qalpyna keltirý taǵy sol sııaqty. Jańa emdeý-dıagnostıkalyq bóliminde barlyq terapevtik beıinder boıynsha emdeý-dıagnostıkalyq kómek kórsetetin 7 bólimshe jumys istep tur.
«Bólimshe 200 tósek-orynǵa arnalǵan. Alǵashqy kúnnen bastap-aq bos oryn joq deýge bolady. Emdelip shyqqandar bar jumysty odan ári jalǵastyramyz. Qyzmetimizdiń taǵy bir baǵyty - búkil halyqqa kórsetetin ońaltý. Neırohırýrgııalyq, kardıohırýrgııalyq, travmatologııalyq ota jasalǵan ınsýlt, ınfarkt alǵan kez kelgen patsıent aýrýhanaǵa jatqyzý bıýrosynyń portaly arqyly bizge kelip, MÁMS sheńberinde em nemese ońaltýdan óte alady. Bizde kópsalaly mamandar toby jumys isteıdi. Olar patsıenttiń eńbekke qabilettiligin tez qalpyna keltirip, ómir súrý sapasyn jaqsartýǵa kómektesedi», - dedi R. Qarabaeva.
Klınıkada joǵary dıagnostıkalyq baza, kásibı bilikti dárigerler jáne dıagnoz qoıý men emdeýge qol jetkizýge bolady. Dıagnoz qoıýda qıynǵa túsetin naýqastar toby bar. Birneshe aýrýǵa shaldyqqanda bir dert ekinshisine teris áser etedi. Ondaı jaǵdaıda ortalyq mamandary kómekke keledi.
Emdeý-dıagnostıkalyq bloktaǵy ońaltý tehnologııalary tolyq kólemde jumys istep tur. Naýqas fızıoterapııa, jattyǵý terapııasyn, akýpýnktýrany, qajet bolǵan jaǵdaıda býyndardyń apparattyq damýyn alady, patsıentterdiń saýǵyp ketýinde shyǵys medıtsınasynyń ádisteri qoldanylady.
Raýshan Qarabaevanyń aıtýynsha, óz kezeginde emdik-ońaltý oń áserin beredi. Sondaı-aq, ońaltý baǵdarlamasy aýrý deńgeıiniń erekshelikterin eskere otyryp, ár patsıentke jeke taǵaıyndalady.
Dertti dıagnostıkalaý, emdeý jáne ońaltý protsesteri QR Prezıdenti Іs Basqarmasy medıtsınalyq ortalyǵynyń aýrýhanasy emdeý-dıagnostıkalyq bóliminde qol jetimdi qyzmetterdiń bir bóligi ǵana. Dárigerler aldaǵy jylǵa jospar quryp úlgerdi. Aýrýhana bazasynda klınıkalyq ortalyqtar retinde belgilengen kópsalaly úsh komanda quryldy. ıAǵnı tynys alý medıtsınasy, kardıologııa ortalyǵy jáne aýtoımmýndy aýrýlar ortalyǵy. Ortalyqtar pýlmonologııalyq, kardıologııalyq, kardıoreabılıtatsııalyq, revmatologııalyq jáne nevrologııalyq profılderdi damyta túsedi.
Osylaısha, terapevt mamandary bıyl 8 myńǵa deıin jáne odan da kóp patsıentti qamtýǵa nıetti. Bul kórsetkish qazirgiden eki ese kóp. Nátıjesinde barsha qazaqstandyq sońǵy úlgide jabdyqtalǵan emdeý-dıagnostıkalyq blogy mamandardyń qolynan em ala alady.
