Eljana Tanıeva Parıj Olımpıadasy aldyndaǵy sońǵy jarysqa qatysady

ASTANA. KAZINFORM — Kórkem gımnastıkadan Qazaqstan komandasynyń úzdigi Eljana Tanıeva Olımpıada qarsańyndaǵy sońǵy iri týrnırge qatysady, dep habarlaıdy Olympic.kz. 

23-28 shilde aralyǵynda Rýmynııanyń Klýj-Napoka qalasynda kórkem gımnastıkadan álem kýbogi ótedi.

Bul básekede Álııa ıÝsýpova jattyqtyratyn Eljana Tanıeva baq synaıdy. Atalǵan týrnır gımnastar úshin Parıj Olımpıadasynyń aldyndaǵy sheshýshi týrnır bolmaq.

Rýmynııadaǵy álem kýbogine kórkem gımnastıkadan Parıj Olımpıadasyna joldama alǵan 24 sportshy da qatysady.

Aıta ketelik, qazirgi tańda Eljana Tanıeva Germanııadaǵy jattyǵý bazasynda daıyndalyp jatyr. Sportshy Parıj Olımpıadasynyń joldamasyn Tashkenttegi lıtsenzııalyq Azııa chempıonatynda jeńip alǵan bolatyn.