Eljan Birtanov Shymkenttegi perzenthananyń jumysymen tanysty
Perzenthananyń 6 korpýsynda jóndeý jumystary josparlanǵan. Qazirgi ýaqytta 2 korpýsta jumystar aıaqtaldy. Medıtsınalyq uıymda ǵımarattyń materıaldyq-tehnıkalyq jaǵdaıy 100 paıyz jańartylady dep kútilýde. Basty maqsat – óńirdegi analar men balalarǵa kórsetiletin medıtsınalyq kómektiń sapasyn jaqsartý. Klınıkada jylyna orta eseppen 9 myń anany bosandyryp alsa, endi jóndeý jumystary aıaqtalǵannan keıin medıtsına qyzmetkerleri jylyna 10 myńnan astam júkti áıeldi qabyldaı alady.
Densaýlyq saqtaý mınıstrligi habarlaǵandaı, kezdesý barysynda mınıstr medıtsınalyq mekemeni osy salanyń qajetti mamandarymen qamtamasyz etý deńgeıine qyzyǵýshylyq tanytty. Sonymen qatar ol shuǵyl medıtsınalyq kómek kórsetetin reanımatolog, hırýrg, akýsher-gınekolog sııaqty mamandarǵa memleket tarapynan birinshi kezekte qoldaý kórsetilýi kerek ekenin atap ótti. Bul týraly Halyq densaýlyǵy týraly kodeks jobasynda jazylǵan.
«Memleket basshysy ásirese qylmystyq jaýapkershilik týraly máseleni muqııat talqylap, sheshýdi tapsyrdy. Olar qajet bolǵan kezde qýdalanýy múmkin, normalar men álemdik talaptar bar. Biraq biz, eń aldymen, reanımatologterdi, hırýrgterdi, gınekologterdi qorǵaýymyz kerek. Bul – eń kóp suranysqa ıe mamandyq biri. Túrli jaǵdaılar bolady, mysaly, jaǵdaıy aýyr naýqas reanımatsııada qaıtys bolýy múmkin, reanımatologter kináli bolyp shyǵady, olar naýqastyń ómirin saqtap qalýǵa tyrysty. Sońynda olardy sotqa beredi. Munyń bári elde suranysqa ıe kadrlardyń tapshylyǵyna ákeledi», - dep atap ótti E.Birtanov.
