Eljan Birtanov perzenthanalary az jabdyqtalǵan óńirlerdi atady
«Bosandyrý nysandary boıynsha SQO, Túrkistan jáne Aqmola oblystarynda jabdyqtalý deńgeıi talap etilgen kólemniń 60%-yn ǵana quraıdy. ıAǵnı, medıtsınalyq mamandar qajetti jabdyqtardyń 60%-ymen ǵana jumys istep júr. Budan da biraz másele týyndaıdy. Bıyl bosandyrý uıymdary úshin 10 mlrd teńge bóldik, 108 dem alý apparatyn alamyz. Densaýlyq kemistigin erte anyqtaıtyn júzden astam ÝZI apparatyn satyp alamyz. Biraq, munyń ózi jetkiliksiz. Sondyqtan, esep júrgizip, 2020 jyldyń bıýdjetine qarjylandyrýdy arttyrý týraly qosymsha ótinimder beremiz. Aldaǵy úsh jylda medıtsınalyq uıymdardy 100% jabdyqtaý týraly Prezıdent tapsyrmasy bar», - dedi Eljan Birtanov Densaýlyq saqtaý mınıstrliginde ótken brıfıngte.
Sonymen birge, mınıstr mamandardyń jetispeýshiligi máselesin kóterdi.
«Elimizdegi qosymsha jumys isteýdiń ortasha koeffıtsıenti 1,2-ni quraıdy. ıAǵnı, barlyq dárigerler qatar jumys isteýge májbúr. Máselen, Atyraýdaǵy oqıǵa boıynsha ákim Nurlan Noǵaevpen sóılestik. Ol perınataldyq ortalyqtyń eki dárigeri qamalǵanyn, ota jasaıtyn eki dárigerdiń ǵana qalǵanyn aıtty. Ol ózge óńirlerden akýsher-gınekologtar jiberip, qoldaý kórsetýdi surap otyr. Qazir vıtse-mınıstr Lázzat Aqtaeva Atyraýǵa ushyp ketti. Onda bizdiń ǴZI mamandary jumys istep jatyr», - dedi vedomstvo basshysy.
Biraq, ǵylymı ortalyqtardyń keıbir qyzmetkerleri óńirlerge barýdan bas tartqan.
«Sebebi olar qylmystyq is qozalady dep qorqady. Ózderińiz biletindeı, ǴZI óńirge baryp ota jasaǵan qyzmetkeri sottaldy, onyń dárigerlik ispen aınalysýyna tyıym salyndy. Bir jaǵynan mamandardyń jetispeýshiligin aıtyp otyrsaq, ekinshi jaǵynan olardy azaıtyp jatyrmyz», - dedi E. Birtanov.