Eljan Birtanov: Emdeý kezinde daý týyndasa, másele patsıenttiń paıdasyna sheshilýi tıis
Alqa otyrysyna Senat pen Májilistiń depýtattary, QR DSM Qoǵamdyq keńesiniń ókilderi, medıtsınalyq qyzmettiń sapasy boıynsha birikken komıssııanyń, bıznes keńestiń músheleri, oblystardyń, respýblıkalyq mańyzy bar qalalardyń jáne Astanadaǵy Densaýlyq saqtaý basqarmasynyń, TKQSBK, MÁMSQ, REDO aımaqtyq fılıaldarynyń, vedomstvoǵa qarasty uıym basshylary qatysty.
Medıtsınalyq saqtandyrý qory basqarmasynyń tóraǵasy Aıbatyr Jumaǵulov densaýlyq saqtaý salasyn qarjylandyrý kólemi aıtarlyqtaı artqanyn aıtty. Máselen, 2020 jyly ambýlatorııalyq-emhanalyq kómekti qarjylandyrý 78% ósedi, ıaǵnı 740,9 mlrd teńgege bólinedi, konsýltatsııalyq-dıagnostıkalyq qyzmetterge - 169 mlrd. teńge qarastyrylǵan, onyń ishinde 18 mlrd teńge mektep medıtsınasyna baǵyttalady, emhana deńgeıinde medıtsınalyq ońaltýǵa -16,6 mlrd teńge bólinedi, TMKKK sheńberinde jáne MÁMS júıesi boıynsha ambýlatorııalyq dári-dármekpen qamtamasyz etý 2 ese artady da, jalpy shyǵyn 197 mlrd teńgege jetedi.
Jalpy, 2019 jyly halyqqa medıtsınalyq kómek kórsetý bıýdjeti MÁMS esebinen 51% artty nemese 580 mlrd teńgege ósti.
Sondaı-aq, ol medıtsınalyq uıymdardy tehnıkamen jabdyqtaý, ınfraqurylym jáne kadrmen qamtamasyz etý máselesine nazar aýdardy.
Alqa jıynynda densaýlyq saqtaý júıesin tsıfrlandyrýǵa jáne medıtsınalyq aqparattyq júıelerdi ıntegratsııalaýǵa erekshe nazar aýdaryldy.
Densaýlyq saqtaý vıtse-mınıstri Oljas Ábishev medıtsınalyq uıymdar kompıýterlik tehnıkamen jáne ınternetpen 100% aýdandyq deńgeıde qamtamasyz etilgenin aıtty.
Búginde elektrondy densaýlyq pasporty, ambýlatorlyq kartalar, dıspanserlik esepke alý tolyq tsıfrlandyrylǵan.
Densaýlyq saqtaý basqarmasynyń basshysy Erjan Nurlybaev Qaraǵandy oblysyndaǵy pılottyq jobanyń nátıjesin qorytyndylaı kele, óńirde barlyq medıtsınalyq uıym biryńǵaı medıtsınalyq aqparat júıege kóshkenin jetkizdi. Sonymen qatar, aýyldardaǵy 85 medıtsınalyq pýnkt spýtnıktik baılanys arqyly ınternetke qosylǵan.
Ol ótken 3 aıda halyqty sáıkestendirý, aqparattyq júıeler arqyly TMKKK jáne MÁMS paketterin bólek esepke alý jáne medıtsınalyq qyzmetterdi jetkizýshi medıtsınalyq mekemelerdi yntalandyrý jumystary júrgizilgenin aıtty.
Erjan Nurlybaev pılot kezeńinde ońaltý qyzmetteri 1,5 esege, kúndizgi statsıonarda medıtsınalyq kómek 1,2 esege, konsýltatsııalyq -dıagnostıkalyq qyzmetterdiń kólemi 2 esege artyp, qymbat dıagnostıka(KT jáne MRT)sany tamyz aıynda 1265-ten qarasha aıynda 3885-ke deıin óskenin atap ótti.
Vıtse-mınıstr Lıazat Aqtaeva MÁMS engizilgen soń alǵashqy aılarda aldymyzdan shyǵýy múmkin 9 táýekeldi atap ótti: saqtandyrylmaǵan azamattar, qorǵa turaqsyz tólem jasaıtyn jumys berýshiler, óńirlerdegi ózin-ózi jumyspen qamtyp júrgen adamdardy ózektendirý jáne biryńǵaı statıstıkalyq esep júrgizý. Medıtsınalyq saqtandyrý qory osy qaýip-qaterdi sheshýdiń tıimdi stsenarııleri men tetikterin ázirledi. Mysaly, jeńildik jasalǵan sanattaǵy azamattardyń saqtandyrý mártebesi belgisiz bolǵan jaǵdaıda, jeńildik mártebesin rastaıtyn qujat, stýdenttik bılet, týý týraly nemese zeınetaqy kýáligin kórsetse boldy.
Ózin-ózi jumyspen qamtyǵan adamdar arnaıy termınal arqyly medıtsınalyq saqtandyrý qoryna tólem jasaıdy jáne birden saqtandyrylǵan mártebesin alyp, MÁMS júıesine jyldam qosyla alady.
MÁMS qorynyń basshysy A. Jumaǵulov jumys berýshiler turaqty tólem jasaý úshin salyq organdary baqylaýdy kúsheıtetinin eske saldy.
Sondaı-aq, vıtse-mınıstr medıtsına qyzmetkerlerin TMKKK jáne MÁMS paketterin, ishki bıznes-protsesterdi bilýge oqytýdy jalǵastyrý qajettigin atap ótti.
Mınıstr alqa otyrysyn qorytyndylaı kele, medıtsınalyq saqtandyrýdy engizýge daıyndyq deńgeıin joǵary baǵalady.
Vedomstvo basshysy aımaqtyq densaýlyq saqtaý basqarmalaryn qormen birlesip, jetkizýshi medıtsınalyq mekemelerge menshigine qaramaı 2020 jyly medıtsınalyq qyzmetterdi obektıvti jáne tıimdi bólýge shaqyrdy.
«Medıtsınalyq kómek kórsetý barysynda daýly jaǵdaılar kezdesse, másele patsıenttiń paıdasyna sheshilýi tıis», - dedi Eljan Birtanov.
Ol densaýlyq saqtaý basqarmalary men MÁMSQ fılıaldarynyń basshylarynan medıtsınalyq uıymdardy jańa júıege daıyndap, ásirese medıtsına qyzmetkerlerin MÁMS boıynsha jumys isteýge oqytý sharalaryna erekshe nazar aýdarýdy talap etti.
