Elshi Toıly Kómekov: Túrikmenstan men Qazaqstan dostyq ári baýyrlastyq baılanystardy nyǵaıtýda
«Túrikmenstan men Qazaqstan Respýblıkasy tikeleı kórshi, halyqaralyq qarym-qatynastyń qazirgi júıesiniń tolyq quqyly ári jigerli qatysýshy bola otyryp, tek qana ekijaqty qarym-qatynasta ǵana emes, sonymen birge halyqaralyq bedeldi uıymdardyń, eń aldymen Birikken Ulttar Uıymynyń aıasynda búkil álemge dostyq pen tatý kórshilik, ózara túsinistik pen baýyrlastyq, ózara qoldaý, konstrýktıvti jáne tıimdi ózara is-qımyl úlgisin pash etip otyr. Túrikmenstan men Qazaqstannyń moıyndalǵan kóshbasshylary, asa qurmetti Prezıdentter Gýrbangýly Berdymuhamedov pen Nursultan Nazarbaev óz halyqtarynyń ulttyq múddelerine negizdelgen, sonymen qatar halyqaralyq quqyqtyq jalpy tanylǵan ári ajyrmas ustanymdaryna tolyqtaı jaýap beretin dana ári jan-jaqty negizdelgen syrtqy saıasatty júrgizip otyr.
Túrikmenstan men Qazaqstan Kóshbasshylarynyń arasynda qalyptasqan ózara senimge negizdelgen qatynastar men turaqty jeke baılanystar, sonymen qatar olar tolyqqandy aýqymdaǵy yntymaqtastyqty tereńdetýge nıettestigi joǵary deńgeıdegi memleketaralyq dıalogtyń mańyzdy faktory sanalady. Prezıdentter Gýrbangýly Berdymuhamedov pen Nursultan Nazarbaev ózara saparlardan bólek, memleket kóshbasshylarynyń jan-jaqty kezdesýleri, onyń ishinde Táýelsiz Memleketter Dostastyǵy, Ekonomıkalyq yntymaqtastyq uıymy, Araldy qutqarý halyqaralyq qoryna kiretin memleket basshylarynyń sammıtteri aıasynda konstrýktıvti kelissózder ótkizdi. Osy ýaqyt aralyǵyndaǵy Túrikmenstan men Qazaqstan Prezıdentteriniń arasyndaǵy joǵary deńgeıdegi kezdesýler men kelissózderdiń árqaısysy eki el men olardyń halyqtarynyń baýyrlastyq qarym-qatynastaryn jańa deńgeıge kóteretin ózindik tarıhı mejeni bildiredi.
Atap aıtqanda, Túrikmenstan Prezıdenti Gýrbangýly Berdimuhamedovtyń 2013 jyldyń 10-11 mamyrdaǵy Qazaqstanǵa memlekettik sapary barysynda «Soltústik-ońtústik» transulttyq temirjol qurylysynyń túrikmen-qazaqstandyq ýchaskesi iske qosyldy. Sonymen qatar Astanada bizdiń memleketterimizdiń arasyndaǵy ózara tıimdi yntymaqtastyqty odan ary tereńdetýge jańa halyqaralyq-quqyqtyq múmkinshilikter ashatyn birqatar ekijaqty qujattarǵa qol qoıyldy. 2014 jyldyń 2-3 jeltoqsanynda Qazaqstan Prezıdenti Nursultan Nazarbaev Túrikmenstanǵa resmı sapar jasap, onyń qorytyndysynda 6 ekijaqty qujatqa qol qoıyldy.
Bizdiń elderimiz Birikken Ulttar Uıymy, Eýropadaǵy qaýipsizdik jáne yntymaqtastyq uıymy, Táýelsiz Memleketter Dostastyǵy, taratpaý qozǵalysy, Islam yntymaqtastyq uıymy jáne ózge de bedeldi halyqaralyq jáne óńirlik qurylymdar aıasynda tyǵyz yntymaqtastyqta jumys isteýde. Halyqaralyq arenadaǵy ózderiniń qadamdaryn úılestire otyryp, Túrikmenstan men Qazaqstan bir-birine qoldaý kórsetedi jáne bul oń nátıjelerin berip, óńirlik jáne álemdik protsessterdiń barysyna oń yqpalyn tıgizýde.
Ekijaqty deńgeıde, sonymen qatar halyqaralyq formattaǵy túrikmendik-qazaqstandyq seriktestik turǵysynda ekologııa máselesindegi ózara is-qımyl barynsha ózekti sanalady. Bul turǵydan alǵanda Túrikmenstan men Qazaqstan Respýblıkasy Aral mańyndaǵy ekologııalyq jáne áleýmettik-ekonomıkalyq jaǵdaıdy jaqsartý salasyndaǵy yntymaqtastyqty qamtamasyz etýge negizdelgen, óńirlik mańyzdy qurylym bolyp tabylatyn Araldy qutqarý halyqaralyq qorynyń qyzmetin odan ary nyǵaıtýdy jáne jetildirýdi jaqtaıdy. 2017-2019 jyldar aralyǵynda Araldy qutqarý halyqaralyq qoryna tóraǵalyq etýshi el retinde Túrikmenstan múshe memleketterdiń birlesken is-qımylynyń basymdyqqa ıe josparyn kórsetetin sáıkesinshe kontseptsııa ázirlep, ony júzege asyrýda.
Túrikmen-qazaq qarym-qatynasynyń mádenı-gýmanıtarlyq quramdasy taraptardyń ózara is-qımylynyń mańyzdy salasy sanalady. Túrikmenstan men Qazaqstan halqyn óz tamyryn ǵasyrlardan alatyn tarıhı-mádenı tamyrlastyq baılanystyryp tur jáne bul eki halyqtyń arasyndaǵy tıimdi ári ózara paıdaly yntymaqtastyqtyń mańyzdy faktory bolyp qalýda.
Qazaqstan Respýblıkasynda Túrikmenstannyń Mádenı kúnderiniń, sonymen birge Túrikmenstanda Qazaqstan Respýblıkasynyń Mádenı kúnderiniń turaqty ótkizilýi baýyrlas elderdiń mádenı ómirindegi iri oqıǵalarǵa aınaldy. Bul sharalar dostyq, tatý kórshilik jáne ózara qurmet ustanymdaryna negizdelgen túrikmen-qazaq yntymaqtastyǵynyń damýyna zor úles qosady».
