Elordany kógaldandyrý strategııasy ázirlenedi

NUR-SULTAN. QazAqparat – Bıýdjet qarjysyn tıimdi josparlap, jumsaý maqsatynda Nur-Sultan qalasyn kógaldandyrýdyń strategııasyn ázirleý usynyldy, dep habarlaıdy QazAqparat tilshisi.

«Nur-Sultan qalasyn kógaldandyrý men kóshet otyrǵyzý boıynsha, sondaı-aq bıýdjet qarjysyn tıimdi qoldanýǵa arnalǵan aýdıttiń qorytyndysy shyǵaryldy. Oǵan sáıkes, elordany kógaldandyrýdyń qujattamalyq strategııasyn ázirleý kerektigi anyqtaldy. Strategııalyq qujat qysqa jáne uzaq merzimdi qamtýy tıis», - dedi Nur-Sultan qalalyq revızııa komıssııasynyń tóraǵasy Imanjúsip Aqpombaev elorda máslıhatynyń turaqty komıssııa otyrysynda.

Onyń aıtýynsha, joǵaryda atalǵan qujattyń joqtyǵy bıýdjet qarjysyn tıimsiz josparlaýǵa alyp keldi.

Buǵan deıin qalalyq qarjy basqarmasynyń basshysy Álibı Jumaev 2020 jyly elordanyń bıýdjet kirisi artyǵymen oryndalǵanyn málimdegen bolatyn.