Elordalyqtar zeınetaqy jóninde 109 nómirinen keńes alýyna bolady

ASTANA. QazAqparat - «Biryńǵaı jınaqtaýshy zeınetaqy qory» AQ men qalalyq iKomek jedel den qoıý monıtorıng ortalyǵy yntymaqtastyq týraly kelisim jasasty, dep habarlaıdy QazAqparat Astana ákimdiginiń saıtyna silteme jasap.

Elorda ákimdigi «Astana - yńǵaıly jáne qaýipsiz qala» jobasyn damytýdy qolǵa alǵan. Joba aıasynda endi biryńǵaı jınaqtaýshy zeınetaqy qorynyń salymshylary, sondaı-aq barlyq qala turǵyndary zeınetaqymen qamsyzdandyrý máseleleri boıynsha iKomek ortalyǵynyń operatorlarynan aqparat jáne keńes ala alady.

Aıta keteıik, ortalyq barlyq qalalyq qyzmetter boıynsha demalyssyz jáne táýlik boıy keńes beredi, turǵyndardyń shaǵymdary men ótinishterin qabyldaıdy, áleýmettik jelilerge monıtorıng jasaıdy jáne áleýmettik jeliler arqyly kelip túsken ótinishterge jaýap beredi.

iKomek 770-ten astam qyzmet kórsetedi. Endi oǵan BJZQ jumysy men kórsetetin qyzmetteri týraly aqparat berý jáne «BJZQ» AQ Astana qalalyq fılıalynyń baılanys derekteri boıynsha anyqtamalyq aqparat berý qyzmeti qosyldy.

Ortalyq 365/24/7 tártibinde jumys isteıdi. 109 telefon nómiri, «Smart Astana» uıaly qosymshasy nemese áleýmettik jelilerdegi resmı paraqshalary arqyly ótinish bildirýge bolady.