Elordalyq 72 jas otbasy baspanaly boldy (FOTO)
«Búgin, QR Táýelsizdigi kúni qarsańynda 72 jas otbasy óz páterleriniń kiltin alyp otyr. Bul jas otbasylarǵa arnalǵan turǵyn úı qurylysynyń jańa baǵyty aıasynda oryn aldy. Ol Prezıdenttiń tikeleı tapsyrmasymen ázirlengen bolatyn. Sizderdiń ómirlerińizdegi atalýy oqıǵamen shyn júrekten quttyqtaımyn. Úılerińizde ár ýaqytta da baqyt, kelisim men baılyq bolsyn!», - dedi Á.Jaqsybekov.
Elorda ákimdiginiń aqparatyna qaraǵanda, sońǵy jyldary ishinde 4,5 myń astanalyq áleýmettik baǵdarlamalardyń arqasynda ózderiniń úı-jaılaryn jaqsartýǵa múmkindik aldy. Astanada «jas otbasylar úshin baspana» baǵyty boıynsha ótken jyly 672 páter bólindi. Qazirdiń ózinde 211 otbasy qonys toıyn toılasa, 72 otbasy S 409 kóshesi boıyndaǵy 43, 45, 47 úılerdiń páterleri paıdalanýǵa berilgennen keıin kiltterin alady. Jas otbasylarǵa arnalǵan qalǵan 389 páter turǵyn úı komıssııasynyń otyrysynda bólinetin bolady. «Páterler satyp alý quqyǵymen jalǵa beriledi. Jas otbasylar jalǵa alynǵan páterde 8 jylǵa deıin turýǵa quqyly. Atalǵan merzim aıaqtalǵannan keıin olardyń páterdi óz menshikterine satyp alýlaryna quqyqtary bolady. Eger ondaı múmkindikteri bolmasa, onda jalǵa alý merzimin 15 jylǵa deıin uzartýǵa múmkindikteri bar», - dedi Astana qalalyq turǵyn úı basqarmasynyń basshysy Rýslan Ahmetov.
Onyń atap ótýinshe, memlekettik baǵdarlama aıasynda salynǵan páterlerdiń sharshy metriniń quny 120 myń teńgeni quraıdy. Basty talap - elorda turýy, eki jyl nekede turyp, balalarynyń bolýy jáne baspalarynyń bolmaýy.
