Elordalyq shahmatshy álem kýbogynda sensatsııa jasady
ASTANA. KAZINFORM – Shahmattan áıelder arasynda Grýzııanyń Batýmı qalasynda jalǵasyp jatqan Álem kýbogynda Merýert Kamalıdenova (reıtıngte 59-oryn) 1/32 fınalda qazirgi chempıon sanalatyn Aleksandra Gorıachkınany (reıtıngte 6-oryn) jeńip ketti. Bul týraly Astana qalasynyń ákimdigi málim etti.
Álemniń 107 shahmatshysy baq synap jatqan básekede ár qatysýshy qarsylasymen klassıkalyq formatta 2 partııa oınap, ózara jeńimpazdy anyqtaıdy. Endi jerlesimiz erteń qara fıgýrada oınaıdy.
2021 jyldan beri uıymdastyrylyp kele jatqan týrnırde eń úzdik nátıjeni Dınara Sádýaqasova tirkegen. Ol 2021 jyly shırek fınalǵa deıin jetip, dál osy Aleksandra Gorıachkınaǵa jol bergen bolatyn.
Buǵan deıin habarlanǵandaı, Astanada klassıkalyq shahmattan Qazaqstan birinshiliginde jeńimpazdar anyqtaldy.