Elordaǵa UNWTO týrıstik forýmynyń alǵashqy delegattary keldi

NUR-SULTAN. QazAqparat - Erteń, 9 qazan kúni Nur-Sultanda UNWTO-nyń «Aqyldy qalalar – Aqyldy destınatsııalar» VIII jahandyq sammıti jumysyn bastaıdy. Elordaǵa Taıland pen Ózbekstannan alǵashqy delegattar keldi. Aýqymdy sharaǵa 700-den astam delegat qatysady, dep habarlaıdy QazAqparat qala ákimdiginiń resmı saıtyna silteme jasap.

Meımandardyń arasynda sheteldik tanymal kásipkerler, sáýletshiler, jýrnalıster men týrıstik uıymdardyń ókilderi bar.

Búgin astanaǵa Bangkok qalasy Turaqty hatshysynyń orynbasary Chatchawanit Khachit, Bangkok qalasy strategııa jáne baǵalaý departamentiniń dırektory Sıravsanhan Patan (Taıland), sondaı-aq, Samarqand qalasynyń ákimi Bobýrmırzo Oblakýlov bastaǵan delegatsııa keldi. Qonaqtardy qazaqy dástúrmen baýyrsaq, qymyzben qarsy aldy.

Erteń Nur-Sultanǵa negizgi qatysýshylar keledi, onyń ishinde UNWTO bas hatshysy Zýrab Pololıkashvılı de bar. Jahandyq sammıttiń spıkeri retinde Pokemon GO oıynynyń jasaýshylary, Kýala-Lýmpýrdiń sáýletshileri jáne taǵy basqa qyzyqty tulǵalar qatysady. Elordada búgingi tańda jańa tehnologııalar qoldanylýda. Mysal retinde gadjetterdi qýattaýǵa múmkindik beretin jyly aıaldamalar, kún batareıalary men velosıpedterge arnalǵan turaqty keltirýge bolady. Osyǵan oraı, UNWTO-nyń «Aqyldy qalalar – Aqyldy destınatsııalar» VIII jahandyq sammıtin qabyldaıtyn Nur-Sultan qalasynyń tańdaýy tańǵaldyrmaıdy. UNWTO - 1975 jyldan bastap BUU júıesindegi beledi týrıstik uıym. Shara qazirgi ýaqytta kóptegen memleketterde enip jatqan «aqyldy qalalarǵa» arnalady. Aqyldy qalalardyń arqasynda ekologııalyq qalalyq ınfraqurylym, qylmys deńgeıin azaıtý, turǵyndar men qalaǵa keletin týrısterdiń ómiri jaıly jáne qaýipsiz bolyp otyr. Sammıtte aqyldy qalalar jıi tap bolatyn áleýmettik-ekonomıkalyq problemalar talqylanady dep josparlanǵan. Baǵdarlamada UNWTO akademııasy men Halyqaralyq kongresster jáne konferentsııalar (ICCA) qaýymdastyǵy uıymdastyrǵan kezdesý ındýstrııasy boıynsha sheberlik saǵattary bar.