Elordaǵa keletin sheteldikterden qansha týrıstik jarna alynady

ASTANA. QazAqparat – Astana ákimdigi elordaǵa saparlap keletin sheteldikterden alynatyn týrıstik jarna mólsherin bekitýdi usyndy, dep habarlaıdy QazAqparat tilshisi.

«2023 jylǵy 31 jeltoqsanǵa deıin týrısterdi ornalastyrý oryndarynda sheteldikter úshin týrıstik jarnaǵa 0,5 aılyq eseptik kórsetkish (1 725 teńge) mólsherinde tirkelgen mólsherleme qoldanylady. Bul mólsherleme Astana qalasynyń máslıhatyna bekitýge jiberilsin. Astana qalasy ákimdiginiń 2022 jylǵy 30 qarashadaǵy № 502-3586 qaýlysynyń kúshi joıyldy dep tanylsyn», - delingen Ashyq NQA portalynda jarııalanǵan qalalyq ákimdiktiń sheshim-jobasynda.

Qujat 13 qyrkúıekke deıin kópshilik talqylaýda bolady.

Qosa ketsek, taıaýda Almaty men Qaraǵandy qalasynda da sheteldikter úshin jańa týrıstik tólem mólólsherin belgileýdi usynǵan bolatyn.