Elordadaǵy tonaýshylar týraly taraǵan aqparat feık

NUR-SULTAN. QazAqparat - Polıtsııa departamenti WhatsApp-ta taraǵan elordadaǵy tonaýshylar týraly aqparatty joqqa shyǵardy, dep habarlaıdy QazAqparat stopfake.kz silteme jasap.

Áleýmettik jelilerde belgisiz bireýler qujat tekserýdi jeleý etip, páterlerge kirip, azamattardy tonaýda degen aqparat tarady.

Bul aqparat shyndyqqa janaspaıdy.

Nur-Sultan qalasynyń polıtsııa departamenti azamattarǵa tótenshe jaǵdaı kezinde kórineý jalǵan aqparat taratqany úshin QK 274-babyna sáıkes 3 jyldan 7 jylǵa deıin bas bostandyǵynan aıyrý jazasy qarastyrylǵanyn eskertedi. Tek resmı derekkózderge ǵana senińizder. Elordada qylmystyq ahýal turaqty, tolyq baqylaýǵa alyndy.

Polıtsııa qyzmetkerleri páterlerdi aralap, qujattardy tekserýde. Bul rette tártip saqshylary ózderin tanystyryp, qyzmettik kýálikterin kórsetedi. Turǵyndardan túsinistik tanytyp, júrgizilip jatqan sharalarda kómektesýlerin suraımyz.