Elordadaǵy aınalma joldan atys qarýlary tabyldy

NUR-SULTAN. QazAqparat – Astanada 8 tamyz ben 8 qyrkúıek aralyǵynda polıtsııa jáne arnaıy qyzmetterdiń birlesýimen «Ýchaske» jedel aldyn alý is-sharasy ótip jatyr, dep habarlaıdy QazAqparat Polisia.kz saıtyna silteme jasap.

«11 tamyz kúni saǵat 17:10-de elordalyq krımınaldyq polıtsııa basqarmasy, UQKD jáne MKQ qyzmetkerleri «Almaty – Ekaterınbýrg» tas joly boıyndaǵy orman ekpelerinde, aınalma joldan 900 metr qashyqtyqta, shópterdiń arasynan qarý jasyrylǵan oryndy tapty.

Tekserý kezinde qoldan jasalǵan, oqsyz atylatyn Kalashnıkov avtomaty jáne qoldan jasalǵan, 9 mm kalıbrli 7 patrony bar «MR-371» sıgnaldy tapanshasy tabyldy. Eki qarý da atýǵa jaramdy.

Atalǵan fakti boıynsha sotqa deıingi tergeý amaldary bastaldy. Qajetti saraptamalar taǵaıyndaldy», - delingen saıt habarlamasynda.

Foto: polisia.kz