Elordadaǵy Uly Dala dańǵylynyń jańa ýchaskesindegi jol ashyldy
ASTANA. KAZINFORM – Elordada Uly Dala dańǵylynyń J.Nájimedenov kóshesinen A.Baıtursynuly kóshesine deıingi bóliginde kólik qozǵalysy jandandy, dep habarlaıdy Astana ákimdiginiń resmı saıty.
Endi kólik júrgizýshileri jańa jolmen qatynaı alady.
Uly Dala jobasy aıasyndaǵy qurylys-montaj jumysy áli de jalǵasyp jatyr. Josparǵa sáıkes, joldyń bir jaǵynda ınjenerlik jeliler tartylyp, ekinshi jaǵynda jaıaý júrginshilerdiń qaýipsizdigi men qolaılylyǵy úshin trotýar salý jumystary júrgizilýde. Aýmaqty abattandyrýdyń tolyq kesheni 2026 jyly aıaqtalmaq.
Atalǵan ýchaskeniń ashylýy aýdannyń kólik qozǵalysyn jaqsartyp, turǵyndardyń jol júrý ýaqytyn qysqartýǵa múmkindik beredi.
Buǵan deıin habarlaǵanymyzdaı, Almaty men Shymkent arasyndaǵy jol tórt jolaqty boldy.