Elordadaǵy memlekettik balabaqshalardyń basym bóligi aralas tilde tárbıe beredi

ASTANA. KAZINFORM – Astanadaǵy memlekettik balabaqshanyń jartysynan kóbi aralas tilde tárbıe beredi. Bul týraly qalalyq bilim basqarmasynyń Kazinform saýalyna joldaǵan jaýabynda aıtylǵan.

«Astana qalasynda 100 memlekettik balabaqsha jumys isteıdi. Onyń ishinde 43-i qazaq tilinde, 57-si qazaq, orys (aralas) tilinde tárbıe beredi. Búginde balabaqshalarda qazaq tilinde tárbıe men oqytýǵa suranys artyp keledi. Osyǵan baılanysty qazaq tilinde oqytatyn jekemenshik balabaqshalarǵa erekshe mán berilip, memlekettik bilim berý tapsyrysy ornalastyrylýda», - dep jazylǵan jaýapta.

Basqarma jaýabynan aralas tilde bilim beretin balabaqshalardyń ózinde memlekettik tildegi toptardyń úlesi artyp kele jatqanyn túsinýge bolady.

«Byltyrǵy jyldyń ózinde memlekettik balabaqshalarda 94 toptyń oqytý tili qazaq tilinde ashyldy. Suranys boıynsha qazaq tilinde oqytylatyn toptardy ashý jumystary bıyl da jalǵasatyn bolady», - delingen vedomstvo málimetinde.