Elordadaǵy Máńgilik el dańǵylynda Bus Lane jolaǵy paıda bolady

ASTANA. KAZINFORM – Máńgilik el dańǵylynyń boıynda Uly dala dańǵylynan Kereı Jánibek handar kóshesine deıingi bóliktegi eki baǵytta Bus Lane jolaǵyn iske qosý josparlanyp otyr. Bul shamamen 10 shildege qaraı iske asyrylady, dep habarlaıdy elorda ákimdiginiń saıty CTS-ke silteme jasap.

Qoǵamdyq kólik úshin bólingen jolaqty engizýdi ázirleý kezinde joldyń júktemesi jáne kóshe-jol jelisiniń tehnıkalyq múmkindigi eskerildi. 

Qazirgi ýaqytta Máńgilik el dańǵyly – qala turǵyndary tyǵyz ornalasqan aýdan. Bul dańǵylmen 20 baǵdar júredi. Qalanyń basty dańǵylynyń jolaýshylar aǵyny táýligine 88 myń adamdy quraıdy. 

Bul qaladaǵy 28-inshi Bus Lane bolmaq. Qazirgi ýaqytta kórsetilgen ýchaskede jolaqtardy syzý jáne jol belgilerin ornatý jumysy júrgizilip jatyr.