Elordada júrgen 1300-den astam shetel azamaty ákimshilik jaýapqa tartyldy
Nur-Sultan qalalyq polıtsııa departamentiniń málimetinshe, olardyń 98-i elden shyǵarylǵan, al munyń 8-i azamattyq sot isin júrgizý tártibimen qýylǵan.
«Elordada 27 maýsymy men 4 shilde aralyǵynda «Nelegal-2022» jedel-aldyn alý is-sharasy ótti. Kóshi-qon turaqtylyǵyn odan ári qoldaý, kóshi-qonnyń qaladaǵy krımınogendik jaǵdaıǵa qolaısyz áser etý qaýpin azaıtý maqsatyndaǵy sharada polıtseıler qurylys nysandaryn, qonaqúıler, jataqhanalar, azamattar kóp jınalatyn oryndardy jáne sheteldik azamattar zańsyz bolýy múmkin jerlerdi tekserdi», - dep jazdy vedomstvodan.
Departament mamandary kóshi-qon zańnamasyn buzǵany úshin qazaqstandyq 340 azamat ákimshilik jaýapkershilikke tartylǵanyn atap ótti. Onyń ishinde 275-i shaqyrylǵan sheteldikterdiń belgilengen kelý qaǵıdalaryn buzǵany úshin, 65 adam sheteldik jumys kúshin tartý qaǵıdalaryn buzǵany jáne sheteldiktiń eńbek qyzmetin zańsyz júzege asyrǵany úshin jaýapkershilikke tartyldy.
Nur-Sultan qalasynyń mamandandyrylǵan aýdanaralyq ákimshilik sotynyń sheshimimen 49 sheteldik azamat elden shyǵaryldy.
