Elordada Jeńis kúnine oraı otshashý boldy
ASTANA. KAZINFORM – Ekinshi dúnıejúzilik soǵys jeńisiniń 80 jyldyǵyna oraı Astana qalasynda otshashý boldy.
Otshashý saǵat 22.00-de eki jerde uıymdastyryldy, ıaǵnı Botanıkalyq baqta jáne «Atyraý» kópirine irgeles aýmaǵynda atyldy. Ár jerde 4 myńǵa jýyq ret otshashý jarqyrady.
Botanıkalyq baqqa jınalǵan elorda turǵyndary men qonaqtarynyń qarasy kóp boldy. Merekelik otshashýdy tamashalaýǵa astanalyqtardyń deni otbasymen kelgen.
Aıta keteıik, Jeńis kúnine oraılastyrylǵan otshashý demeýshilik qarjy esebinen uıymdastyryldy.
Eske salaıyq, Astanada 7 mamyr – Otan qorǵaýshylar kúni jáne 9 mamyr – Jeńis kúnine arnalǵan 100-den astam túrli is-shara ótti. Onyń ishinde kontsertter, ǵylymı konferentsııalar, mektepterde tárbıe saǵattary, teatrlandyrylǵan qoıylymdar taǵy sol sııaqty is-sharalar bar.
Buǵan deıin elordada Jeńistiń 80 jyldyǵyna oraı merekelik otshashý bolatynyn habarlaǵan bolatynbyz.
Memleket basshysy qazaqstandyqtardy Jeńis kúnimen quttyqtady.
7 mamyrda elordadaǵy «Qazaq Eli» alańynda Memleket basshysy — Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaevtyń qatysýymen Jeńistiń 80 jyldyǵyna arnalǵan áskerı parad ótti.