Elordada jastarǵa arnalǵan «True or False» jobasy bastaldy
«True or False» jobasy jastardyń aqparattyq saýatyn damytýǵa baǵyttalǵan. Joba aıasynda mektep ashylady, mekteptiń maqsaty – jastardyń boıynda kıberkeńistiktegi aqparatty durys taldaý, jalǵan aqparatty ajyratý jáne synı oılaý daǵdylaryn qalyptastyrý.
Qazan aıynan qarasha aıyna deıin Nur-Sultan qalasynda 14-29 jas aralyǵyndaǵy 150 qatysýshy úshin trenıngter ótkiziledi.
Trenıngterdi IT, kıberqaýipsizdik, psıhologııa jáne kommýnıkatsııa salasynyń jetekshi sarapshylary ótkizedi.
Qatysýshylardy tirkeý 3 qazanǵa deıin ashyq. Tolyq aqparatty jobanyń Instagram akkaýntynan nemese +7 705 560 5087 nómirine habarlasyp bilýge bolady.
«Jastar aqparattyń taratylý jyldamdyǵy jáne tehnologııalardyń qarqyndy damýyna daıyn bolýy tıis. Taqyryptyń ózektiligine baılanysty atalmysh joba uıymdastyryldy», – dep adap ótti basqarmadan.
Jobanyń uıymdastyrýshysy - respýblıkalyq «Jas Ulan» biryńǵaı balalar men jasóspirimder uıymy. Seriktesi - «Eýrazııalyq monıtorıng» analıtıkalyq zertteý ortalyǵy.
