2 myń doza tárkilendi — Elordada jas jubaılar oıyn-saýyq oryndarynda esirtki taratqan

Elordada jas jubaılar oıyn-saýyq oryndarynda esirtki taratqan, – dep habarlaıdy Polisia.kz.

“Qarasora – 2023” jedel-profılaktıkalyq is-sharasy aıasynda elordalyq polıtseıler oıyn-saýyq oryndaryna esirtki jetkizýmen aınalysqan jas jubaılardy anyqtady.

Astana turǵynyna tıesili Mercedes-Benz avtokóligin tintý barysynda salmaǵy 200 gramnan asatyn mefedron esirtki zaty salynǵan qaǵaz qapshyq, oraýysh ydystar men esirtki zattaryn qaptaýǵa arnalǵan qurylǵylar tárkilengen.

Odan ári erli-zaıyptylardyń Bekturova kóshesindegi turǵylyqty jerin tintý kezinde as úı shkafynan salmaǵy 350 gramnan astam mefedron esirtki zaty bar sómke tabylǵan. Tárkilengen sıntetıkalyq mefedron esirtkiniń jalpy salmaǵy 558 gramm nemese shamamen eki myńnan astam bir rettik dozany quraıtyn bolǵan.

Qazirgi ýaqytta sotqa deıingi tergeý amaldary júrgizilip jatyr. Esirtki satýshylardyń biri Astana qalasy polıtsııa departamentiniń ýaqytsha ustaý ızolıatoryna qamaldy. Elordalyq polıtseıler jyl basynan 750 esirtki qylmysyn anyqtap, salmaǵy 262 keli bolatyn esirtki tárkilegen, onyń ishinde 43 keli “sıntetıka” bolǵan.