Elordada jańadan 15 Oqýshylar saraıy ashylady

Astanada 2029 jylǵa deıin 15 Oqýshylar saraıyn salý josparlanyp otyr. Olardyń bir bóliginde basseınder de bolmaq. Bul týraly OKQ brıfınginde Astana ákimi Jeńis Qasymbek aıtty, dep habarlaıdy Kazinform qala ákimdiginiń baspasóz qyzmetine silteme jasap. 

Olardyń ishinde 5-eýiniń qurylysy keler jyly bastalady. Oqýshylar saraıy elordanyń barlyq aýdanynda ornalasady. Qazirgi ýaqytta jobalyq jumystar júrgizilip jatyr.

Jańadan ashylatyn 5 Oqýshylar saraıy qaıda ornalasady:

- Saryarqa aýdany, Aqan seri jáne S-189 kósheleri (Zemlıanıchnaıa);

- Almaty aýdany, Tólebaev jáne Býrabaı kósheleri;

- Baıqońyr aýdany, Taıbýryl jáne Igilik kósheleri;

- Esil aýdany, Túrkistan jáne Buqar Jyraý kósheleri;

- Nura aýdany, Aıtmatov jáne Muhamedhanov kósheleri.