Elordada VIII–XIX ǵasyrlardaǵy sırek qoljazbalar usynyldy

ASTANA. KAZINFORM – «Turan» ýnıversıtetinde Qoljazbalar jáne sırek kitaptar ulttyq ortalyǵy uıymdastyrǵan «Uly dala tarıhynyń jazba muralary» atty kórme ótti.

Kórme Uly dalanyń jazba murasyna jáne onyń kóne dáýirden búginge deıingi damý kezeńderine arnaldy.

Ekspozıtsııada VIII–IX ǵasyrlardaǵy kóne túrki tilindegi sırek qoljazbalar, Qarahan memleketi, Altyn Orda jáne Qazaq handyǵy dáýirlerine jatatyn arab, parsy jáne shaǵataı tilderindegi qujattar, sondaı-aq kóne túrki jazýynyń úlgileri men latyn grafıkasyndaǵy basylymdar kópshilik nazaryna usynyldy. Barlyq materıaldar Ulttyq ortalyqtyń qorynda saqtalǵan.

Kezdesý barysynda qatysýshylarǵa jazba eskertkishterdiń tarıhı mańyzy, olardy zertteý erekshelikteri men saqtaý joldary týraly málimet berildi.

Aıta ketelik Túrkistanda ıAsaýıdiń «Dıýanı hıkmet» kitabynyń kóne qoljazbasy tabylǵan edi.