Elordada tuńǵysh ret Joǵary bilim jáne ǵylym forýmy ótedi

ASTANA. QazAqparat - 24 tamyzda Astanada tuńǵysh ret Joǵary bilim jáne ǵylym forýmy ótedi. Forýmnyń taqyryby eldiń ekonomıkalyq ósýiniń negizi retinde adamı kapıtaldy damytýǵa arnalady, dep habarlaıdy QazAqparat.

Forýmǵa bilim jáne ǵylym júıesiniń qyzmetkerleri, JOO jáne ǴZI basshylary, qoǵamdyq keńes ókilderi, JOO dırektorlar keńesiniń músheleri, jas ǵalymdar keńesi, stýdentter, sarapshylar jáne basqalar qatysady.

Forým aıasynda Nazarbaev Ýnıversıtetinde jáne IT-Ýnıversıtette joǵary bilim jáne ǵylym, L.N. Gýmıleva atyndaǵy EUÝ-da til saıasaty boıynsha taqyryptyq sektsııalyq otyrystar ótkizý josparlanýda.
Forýmnyń plenarlyq otyrysynda QR Premer-mınıstri Álıhan Smaıylov forým qatysýshylaryna vıdeo arqyly quttyqtaý sóz sóıleıdi.
Sondaı-aq, forýmda QR Premer-Mınıstriniń orynbasary Tamara Dúısenova, QR Ǵylym jáne joǵary bilim mınıstri Saıasat Nurbek, professor, Heriot-Watt University prorektorynyń orynbasary (akademııalyq basshylyq) Tadhg O'donovan, Qazaqstandaǵy De Montfort ýnıversıtetiniń prezıdenti Sakina Zafar, QR Prezıdenti janyndaǵy Ulttyq Ǵylym akademııasynyń vıtse-prezıdenti Asqar Jumadildaev jáne basqalar sóz sóıleıdi.
Forýmnyń sektsııalyq otyrystary mınıstrliktiń Facebook jáne YouTube paraqshalarynda tikeleı efırde kórsetiledi.