Elordada tárkilengen 10 mlrd teńgeniń jerine ne salynady

ASTANA. KAZINFORM – Bıyl elordada memlekettik qajettilik úshin 264 jer ýchaskesi alynady. Bul jerlerge 35 áleýmettik nysan salý josparlanyp otyr.

Buǵan deıin qalalyq máslıhat otyrysyna 1 mlrd 260 mln teńge somasyna jalpy aýdany 15 gektar 16 nysan boıynsha 58 jer ýchaskesin satyp alý jónindegi sharttyń jobasy shyǵarylǵan edi.

Qalǵan 206 ýchaske boıynsha búginde baǵalaý jáne kelisý protsedýrasy júrgizilip jatyr. Ákimdiktiń atap ótýinshe, keıbir ýchaske ıeleri sharttarmen tanysty. Alaıda 15 menshik ıesi satyp alý qunymen kelispeı otyr. Másele aldaǵy ýaqytta sotta sheshilmek.

- Memleket qajettiligi úshin alynatyn jer ýchaskesi men onda turǵan nysan úshin menshik ıesine nemese memlekettik emes jerdi paıdalanýshyǵa naryqtyq quny boıynsha teńdeı qun óteledi. Jer ýchaskesiniń naryqtyq qunyn «QR Memlekettik satyp alý týraly» zańnyń 13-babyna sáıkes jarııalanǵan ashyq baıqaý jeńimpazy sanalatyn táýelsiz baǵalaýshy aıqyndaıdy, - dep túsindirdi ákimdikten agenttiktiń resmı saýalyna oraı.

Sonymen qatar elorda ákimdigi memleket qajettiligine alynatyn jerlerge salynatyn 35 áleýmettik nysandy atady:

1. A.Imanov kóshesinen Bógenbaı batyr dańǵylyna deıin Asan qaıǵy kóshesi qurylysy;

2. Qorǵaljyń tas jolynda daryndy balalarǵa arnalǵan respýblıkalyq mektep-ınternet qurylysy;

3. Potanın men Keregetas kósheleri qıylysy aýdanyndaǵy mektep qurylysy;

4. Qabanbaı batyr dańǵyly men Buqar jyraý kóshesi qıylysyndaǵy mektep qurylysy;

5. Aqan seri men SFL-2 (jobalyq ataýy) qıylysyndaǵy balabaqsha qurylysy;

6. A.Toqpanov kóshesindegi mektep qurylysy;

7. J.Nájimedenov pen S.Nurmaǵambetov kósheleri qıylysy aýdanyndaǵy balabaqsha qurylysy;

8. Sh.Qaldaıaqov pen S.Nurmaǵambetov kóshesi qıylysy aýdanyndaǵy balabaqsha qurylysy;

9. Eńlik-Kebek pen Aqan seri kósheleri qıylysy aýdanyndaǵy kópbeıindi aýrýhana qurylysy;

10.Sh.Ýálıhanov kóshesindegi №24 aýdanyn abattandyrý;

11. Sh.Ýálıhanov pen S.Seıfýllın kósheleri qıylysy aýdanyn abattandyrý;

12. S.Júnisov pen Sh.Jıenqulova kósheleri qıylysy aýdanyndaǵy gúlzar qurylysy;

13. Dostyq kóshesi boıynda ornalasqan saıabaq qurylysy, №9 úı aýdany; 14.Jambyl kóshesinde qoǵamdyq keńistikti abattandyrý, №8 úı aýdany;

15. Sh.Jıenqulova kóshesinen Asan qaıǵy kóshesine deıingi ýchaskede Bıshi qaıyń kóshesi qurylysy;

16. Bıshi qaıyń kóshesinen Á.Jangeldın kóshesine deıingi ýchaskede Syrdarııa kóshesi qurylysy (1 kezek);

17. Alash tas jolynan Abyraly kóshesine deıin Sh.Jıenqulova kóshesi qurylysy;

18. S.Seıfýllın kóshesinen Á.Jangeldın kóshesine deıingi ýchaskede Syrdarııa kóshesi qurylysy (2 kezek);

19. Kereı-Jánibek handar kóshesine Uly dala dańǵylyna deıin (1 ýchaske) 37 kóshe (jobalyq ataýy) qurylysy;

20. V-ýchaske kishi aınalma joly qurylysy (Tilendıev dańǵylynan Konstıtýtsııa kóshesine deıin Beısekova kóshesi boıymen);

21. №38 kósheden Abylaı han dańǵylyna deıingi ýchaskede Hýseın ben Talal kóshesi qurylysy;

22. №12 kósheden Sh.Qaldaıaqov kóshesine deıin ornalasqan L.Mırzoıan kóóshesi qurylysy;

23. A.Baıtursynuly men J.Nájimedenov oramyndaǵy A50 jáne A51 kósheleri qurylysy;

24. A20 kóshesi (jobalyq ataýy) aýdanynda oramishilik joldar men ınjenerlik jeliler qurylysy;

25. Kereı-Jánibek handar men Oral kósheleri qıylysy aýdanynda «QR Joǵary aýdıtorlyq palatasy ǵımaraty» qurylysy;

26. Alash tas jolynda, 28/3 ýchaskede ornalasqan TM-14 salý;

27. Maqataev pen Kosmonavtov kósheleri aýdynda memlekettik saıajaı aýmaǵyn abattandyrý úshin keńeıtý;

28. TM-40 kóshesi aýdanynda shaǵyn taratý stansasy qurylysy;

29. Respýblıka dańǵyly boıyndaǵy №6 úı aýdanyn abattandyrý;

30. Qarqaraly tas joly aýdanynda ornalasqan Astana qalasynyń «Olımpıadalyq daıyndyq ortalyǵy» kópbeıindi sport kesheni bazasynda Ulttyq sport ýnıversıteti qurylysy;

31. №48, №69, A106 jáne A108 kósheleri oramynda Á.Marǵulan atyndaǵy Arheologııa ınstıtýtynyń jańa kesheni qurylysy;

32. Máńgilik el dańǵyly men Syǵanaq kóshesi qıylysy aýdanyndaǵy kóshe qurylysy;

33. Respýblıka dańǵyly men Gete kóshesi qıylysy aýdanynda ornalasqan japsarlas turǵyn-jaıy men parkıngi bar kóppáterli turǵyn úı kesheni qurylysy;

34. Sh.Aıtmatov kóshesi men Qorǵaljyń tas joly qıylysy aýdanynda ákimshilik ǵımarat qurylysy (aýdandyq polıtsııa bólimi);

35. Sh.Aıtmatov kóshesi men Qorǵaljyń tas joly qıylysy aýdanynda ákimshilik ǵımarat qurylysy (Polıtsııa polki).

Astana ákimi Jeńis Qasymbek Instagram paraqshasynda qurylys kompanııalaryna qoıylatyn talaptar týraly jazǵan bolatyn.