Elordada sııamen salynǵan Koreıa keskindeme óneriniń kórmesi ashyldy

NUR-SULTAN. QazAqparat – El Táýelsizdiginiń 30 jyldyǵyna oraı Koreıa Respýblıkasy elshiligi Koreı mádenı ortalyǵynyń uıymdastyrýymen elordadaǵy Ulttyq mýzeıde «Sumukhwa Monologue» atty sııamen salynǵan keskindeme kórme ashyldy, dep habarlaıdy QazAqparat tilshisi.

Kórmede Koreıanyń Cholla-Namdo provıntsııasy men basqa da óńirlerden beıneleý óneri sheberleriniń týyndylary usynylǵan.

Sııamen salynǵan týyndylarda tabıǵattyń ádemi kórinisteri beınelengen jáne onda álemniń paıda bolý jaratylysynyń fılosofııasy sekildi taqyryptar qozǵalady.

«Búginde Qazaqstan – Koreıa qarym-qatynasy jyl sanap nyǵaıyp keledi. Eki el arasyndaǵy dostyqqa negizdelgen baılanys saıasattan bólek, mádenıet salasynda da kórinis taýyp otyr. Jyl saıyn ekijaqty júzdegen is-sharalar uıymdastyrylyp keledi. 2018 jyly «Rýhanı jańǵyrý» baǵdarlamasynyń aıasynda Koreıa halqy óneriniń kórmesi uıymdastyryldy. Sondaı-aq, bizdiń mýzeı atalǵan eldiń ǵylymı uıymdarymen birlesken jobalardy qolǵa aldy. Atap aıtqanda ekijaqty ǵylymı uıymdardyń qatysýymen arheologııa jáne mádenı mura salasynda zertteý jobalary júzege asyp jatyr. Búgingi kórmeniń ashylýy da sol mádenı qarym-qatynastyń bir kórinisi. Bul kórmeden elorda turǵyndary men qonaqtary koreı eliniń beıneleý óneriniń shyǵarmalarymen tanysa alady», - dedi QR Ulttyq mýzeıi dırektorynyń orynbasary Abaı Satybaldın kórmeniń ashylýynda.

Atalǵan kórmege 28 keskindeme týyndy qoıylǵan.

«Aldymen búgingi sharaǵa qatysyp otyrǵan barsha qonaqtarǵa alǵysymdy bildiremin. Sonymen qatar osy kórmeni uıymdastyrýǵa uıytqa bolǵan Ulttyq mýzeı ujymyna rızashylyǵymdy jetkizgim keledi. Búgingi «Sýmýkhva monology» atty kórmeniń maqsaty – qazaqstandyqtardy koristerdiń dástúrli sııa keskindeme ónerimen tanystyrý. ıAǵnı bul jerde dástúrli keskindeme tehnıkasymen úılesken zamanaýı elementti úlgidegi jumystar usynylyp otyr. Aıtýly mádenı shara QR Táýelsizdiginiń 30 jyldyǵy men QR Prezıdenti Qasym-Jomart Toqaev myrzanyń Koreıa Respýblıkasyna sapary aldynda uıymdastyrylýy erekshe mánge ıe. Sondaı-aq, kórmeniń ashylýy koreı halqynyń erkindik alý kúnine sáıkes kelip otyr. Óner týyndylary kórmege kelýshilerge jylýlyq syılaıdy dep senemin», - dedi Koreıa Respýblıkasynyń Qazaqstandaǵy Tótenshe jáne Ókiletti elshisi Ký Hong-sok.

Ulttyq mýzeıdegi «Sumukhwa Monologue» kórmesi 17 qazanǵa deıin jumys isteıdi. Sondaı-aq, uıymdastyrýshylar mýzeıge kelýshilerge «Ashyq» mobıldi qosymshasy arqyly kiretinin eske salady.