Elordada «Senimdi dos» aktsııasy bastaldy
⠀
«Jas Sarbaz» jasóspirimder áskerı-patrıottyq qozǵalysy respýblıkalyq qoǵamdyq birlestiginiń Nur-Sultan qalalyq fılıaly, QR Qarýly Kúshteri Ulttyq áskerı-patrıottyq ortalyǵynyń qoldaýymen «Senimdi dos» aktsııasyn bastady. Aktsııa úı janýarlaryn jáne ıesi joq janýarlardy qorǵaý maqsatynda qolǵa alynyp otyr.
Qala ákimdiginen málim etkendeı, shara barysynda jassarbazdyqtar Nur-Sultan qalasynda ornalasqan «ıA jıvoı» ortalyǵyna bardy. Janýarlardyń jatyn ornyn tazalap, olarmen serýendep, tamaqtandyrdy.
«Jas Sarbaz» jasóspirimder áskerı-patrıottyq qozǵalysy Nur-Sultan qalalyq fılıalynyń tóraǵasy Ashat Nalshybektiń aıtýynsha, sońǵy ýaqytta elimizde úı janýarlaryna qatysty problema keńinen kóterilip júr. It-mysyqtardy azaptap óltirý derekteri de jıi kezdesedi. Qaraýsyz qalǵan janýarlardyń adamdarǵa zııan keltirmeıtinine de kepildik joq.
«Búgin kelip otyrǵan ortalyq aktsııamyz aıasyndaǵy alǵashqy ortalyq. Munda 73 ıt pen 180 mysyq bar eken.
«ıA jıvoı» ortalyǵy tolyqtaı derlik demeýshilerdiń qoldaýymen ǵana jumysyn atqaryp otyr jáne Nur-Sultan qalasynyń ákimdigi tarapynan kómek kórsetilýde.
Biz sońǵy kezderde qoǵamda úı janýarlaryna kórsetilip jatqan zorlyq-zombylyqqa qarsy ekenimizdi aıtqym keledi. Úı janýarlaryna arnalǵan sońǵy zańnamany qoldaımyz. Bizdiń aktsııamyzdy Nur-Sultan qalasynyń uıymdary da qoldaıdy degen senimdemin», - dedi Ashat Nalshybek.
