Elordada senbi kúni qoǵamdyq kólik júretin boldy

NUR-SULTAN. QazAqparat - Elordanyń qoǵamdyq kólik qozǵalysy 28 tamyzdan bastap senbi kúnderi jumys isteıtin bolady. Bul sheshim el aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııada, sondaı-aq QR Bas memlekettik sanıtarııalyq dárigeriniń qaýlysyna sáıkes qabyldandy, dep habarlaıdy QazAqparat qala ákimdiginiń resmı saıtyna silteme jasap.

Jeksenbi kúnderi avtobýstar júrmeıdi. Bul kúni qala avtoparkteriniń avtobýstary aýqymdy dezınfektsııadan ótedi. Bul rette jolaýshylar jıi ustaıtyn tustardy óńdeýge erekshe nazar aýdarylady.

Aıta ketý kerek, avtobýstarda dezınfektsııalyq jumystar aýysymnan keıin kún saıyn júrgiziledi. Sonymen qatar, sońǵy aıaldamalarda salondy dezınfektsııalyq eritindimen óńdeý de júzege asyrylady.

Jumys kúnderi qoǵamdyq kólik shtattyq rejımde saǵat 06:00-den 23:00-ge deıin júredi.

Qoǵamdyq kólikte betperde rejımin saqtaý qajet. Avtobýsqa betperdesiz kirýge bolmaıdy. Jol aqysy qolma-qol aqshasyz, kóliktik karta kómegimen nemese QR-kod skanerleý arqyly tólenedi.