Elordada resmı 1341 moped tirkelip, kýálik berildi
ASTANA. KAZINFORM — Elordada mopedterdi tirkeý protsesi jalǵasyp jatyr.
— 2025 jylǵy 15 sáýirge deıingi málimet boıynsha Astanada 1341 moped tirkeldi, tirkeý protsesi jalǵasyp jatyr. Azamattar mamandandyrylǵan halyqqa qyzmet kórsetý ortalyǵyna mopedtiń qujattary men tehnıkalyq sıpattamasyn alyp barady. Tekserýden ótkennen keıin memlekettik baj tóleıdi jáne mopedti tirkeýge qoıý úshin ótinim toltyrady. Sodan soń memlekettik nómir men tirkeý kýáligi beriledi, — dedi Astana qalasynyń Polıtsııa departamentiniń ákimshilik polıtsııa basqarmasynyń memlekettik avto-ınspektory Bekmurat Ergesh Astana qalasy kommýnıkatsııalar qyzmeti alańynda ótken baspasóz máslıhatynda.
Sondaı-aq moped júrgizý úshin A1, A nemese V sanatyndaǵy júrgizýshi kýáligi bolýy shart.
— Sonymen qatar mopedti Polıtsııa organdarynda tirkeý, azamattyq-quqyqtyq jaýapkershilikti saqtandyrý polısi men tehnıkalyq baıqaýdan ótkeni týraly qujat qajet, — deıdi ol.
Aıta keteıik, el aýmaǵynda bıyl 5 sáýirge deıin mopedterdi resmı tirkeý mindeti qoıyldy. Osy oraıda tirkemegenderge qandaı jaýapkershilik kózdelgenin jazǵan bolatynbyz.
Birneshe kún buryn Almatyda mopedterdi tirkeý protsesine reıd júrgizildi.
Eske salaıyq, jol erejesin buzǵan moped júrgizýshilerine jaza qatańdatylady.