Elordada polıtseı krannan sekirmek bolǵan adamdy qutqaryp qaldy

ASTANA. KAZINFORM – Astanada polıtseı 60 metrlik krannan sekirmek bolǵan er adamdy qutqaryp qaldy, dep habarlaıly Polisia.kz. 

Tártip saqshylarynyń arasynda basyn qaterge tigip, adamdardyń ómirin saqtap qalǵan azamattar kóp. Solardyń biri — Astana qalasy PD Saryarqa aýdandyq janyndyǵy PB jedel ýákili Rýslan Baıbórıev. Ol 60 metrlik krannyń tóbesine shyǵyp, sekirmek bolǵan er adamdy qutqardy. 

Rýslan túngi saǵat 03:10 shamasynda «102» arnasyna túsken qońyraýdan keıin oqıǵa ornyna dereý jetip, birden baspaldaqpen joǵary kóterilgen. Artynsha sýıtsıd jasamaq bolǵan jigitpen sóılesip, ony sabyrǵa shaqyrdy. Sol sátte onyń senimine kirip, qaýipsiz jerge túsirdi. 

— Mundaı jaǵdaıda saqtyq sharalaryn bilý óte mańyzdy. Men onymen tildesip, sabyrǵa shaqyrýǵa tyrystym, onyń oıyn basqaǵa buryp, ózin jalǵyz sezinbeýine kómektestim. Ol meni tyńdaı bastaǵan sátte qolynan ustap, qushaqtap, qaýipsiz jerge túsirdim, - dedi Rýslan Baıbórıev.

Polıtseı er adammen sóılesip jatqan kezde oqıǵa ornyna TJM qyzmetkerleri de kelip jetti. Birlesken kúsh-jigerdiń arqasynda ony qaýipsiz jerge túsirdi.

Jedel járdem qyzmetkerleri 35 jastaǵy azamattyń densaýlyǵyn tekserip, úıine jetkizdi. Ol bul áreketin emotsııanyń áserimen jasaǵanyn, saldaryn oılamaǵanyn moıyndap, ómirin saqtap qalǵany úshin polıtsııa kapıtanyna shyn júrekten alǵys aıtty.