Elordada pedagogıkalyq ýnıversıtet ashylady
Elordada pedagogıkalyq ýnıversıtet pen pedagogıkalyq ınstıtýt ashylady. Bul týraly Astana qalalyq Bilim basqarmasynyń basshysy Qasymhan Senǵazıev aıtty, dep habarlaıdy Kazinform.
Aıta keteıik, búgin Oqý-aǵartý mınıstri Ǵanı Beısembaev Astana jurtshylyǵymen kezdesý ótkizip jatyr.
«Úsh aýysymdy jáne shamadan tys mektepterdiń máselesin sheshý úshin 12 jańa mektep salý josparlanǵan. Búgingi kúni onyń jeteýi paıdalanýǵa berildi. Qalǵan beseýi osy aıda paıdalanýǵa berilip, 3 toqsanda oqý protsesi bastalady. 2024 jyly 33 mektep, 2025-2028 jyldary taǵy 43 mektep salý josparlandy. 2023-2027 jyldar aralyǵynda barlyǵy 200 myńǵa jýyq orynǵa arnalǵan 88 mektep salý kózdelip otyr. Qalanyń bas josparynda belgilengen 2035 jylǵa deıingi oryn tapshylyǵyn tolyǵymen sheshemiz. Atalǵan mektepterdiń qurylysy, qalamyzdaǵy úsh aýysymdy 8 mekteptiń jáne bala sany shamadan tys 16 mekteptiń máselesin tolyq sheshedi», - dedi basqarma basshysy.
Onyń atap ótýinshe, jyl saıyn mektep oqýshylarynyń sanynyń ósýine baılanysty qalada 2026-2027 oqý jylyna qaraı 5 myń pedagogqa qajettilik týyndaıtyn bolady. Kadr tapshylyǵyn sheshý maqsatynda jyl saıyn jergilikti bıýdjet esebinen pedagogıkalyq mamandyqtarǵa 1 000 orynǵa memlekettik tapsyrys beriledi.
«Sonymen qatar Memleket basshysy Qasym-Jomart Kemelulynyń elordada pedagogıkalyq joǵary oqý ornyn ashý týraly tapsyrysyn oryndaý maqsatynda memlekettik-jekeshelik áriptestik jobasy aıasynda gýmanıtarlyq kolledj bazasynda pedagogıkalyq ýnıversıtet ashylady. Sondaı-aq «L.N.Gýmılev atyndaǵy Eýrazııa ulttyq ýnıversıtetiniń» bazasynda, Abaı atyndaǵy QazUPÝ fılıalyn jáne «NISh» bazasynda pedagogıkalyq ınstıtýt qurý boıynsha jumystar júrgizilip jatyr», - dedi Qasymhan Senǵazıev.
Aıta keteıik, búgin Oqý-aǵartý mınıstri Ǵanı Beısembaev Astana jurtshylyǵymen kezdesý ótkizip jatyr.
