Elordada Ortalyq Azııanyń konfessıonaldy álemi talqylandy
Sharaǵa QR Aqparat jáne qoǵamdyq damý mınıstrliginiń Din isteri komıteti tóraǵasynyń orynbasary Baýyrjan Bakırov, Qazaqstan musylmandary dinı basqarmasy tóraǵasynyń orynbasary, naıb múftı Ershat Ońǵarov, Aýǵanstan Qajylyǵy, kóshbasshylyq jáne qaıyrymdylyq mınıstriniń orynbasary, Mohammad Osman Tarık, Máskeý orys pravoslavıe shirkeýi dinaralyq qatynastar patrıarhatynyń shirkeýlermen baılanys bóliminiń hatshysy, din qyzmetkeri Dımıtrıı Safonov, Egıpet Islam mádenıeti Nur-Múbarak ýnıversıtetiniń rektory Muhammed ál-Shahhat ál-Jındı, Qazaqstannyń bas ravvıni Eshaıa Kogen, ISESCO órkenıettik dıalog ortalyǵynyń dırektory Haled Fatalraman, Islamabad Halyqaralyq Islam Ýnıversıtetiniń Islamdy zertteý ınstıtýtynyń bas dırektory Muhammed Zııa Ýl-Hak, Ózbekstan halyqaralyq ıslam akademııasy ICESCO «Islamtaný jáne ıslam órkenıetin zertteý» bóliminiń meńgerýshisi Mırodıl Haıdarov, Qyrǵyzstannyń Ulttyq strategııalyq zertteýler ınstıtýtynyń ǵylymı qyzmetkeri Kýbanychbek Toktorbaev, sonymen qatar qazaqstandyq sarapshylar men ǵylymı qoǵamdastyq ókilderi qatysty.
Halyqaralyq konferentsııanyń maqsaty - Ortalyq Azııanyń konfessııalyq keńistigindegi tendentsııalardy túsiný, aımaqtaǵy kúrdeli qarama-qaıshylyq jáne daǵdarys jaǵdaılaryn baǵalaý, sondaı-aq osy taqyryp tóńireginde din lıderleri, ǵalymdar, zertteýshilerdiń pikirleri men saraptamasy.
Konferentsııada Din isteri komıteti tóraǵasynyń orynbasary Baýyrjan Bakırov Aqparat jáne qoǵamdyq damý mınıstrligi atynan sóz sóılep, zaıyrly Qazaqstannyń qoǵamdaǵy dinaralyq jáne konfessııaaralyq dıalog pen kelisimdi qamtamasyz etýge baǵyttalǵan memlekettik saıasat týrasyn baıandady.
Aýǵanstan, Egıpet, Reseı, Pákistan jáne Qazaqstannyń din qaıratkerleri Ortalyq Azııadaǵy COVID-19 pandemııasy jaǵdaıyndaǵy dinı ahýaldyń birqatar aspektileri týraly óz pikirlerin bildirdi. Qatysýshylar Ortalyq Azııa elderiniń dinı sanasy men keńistigine tán biregeılikti qalyptastyrý boıynsha sharalar qabyldaý qajettiligine erekshe nazar aýdardy. Olardyń arasynda Hanafı dinı mektebi, sýnnıttik baǵyt, dástúrler men ádet-ǵuryptardy saqtaý sııaqty jalpy qundylyqtar bar.
Qyrǵyzstan, Ózbekstan, Egıpet jáne Qazaqstan ǵalymdary Ortalyq Azııa memleketteriniń turaqty ortaq is-qımyl mezanızmderin qurý baǵytyna asa nazar aýdardy. Bul mehanızmdi óz kezeginde turaqty álem qurýdyń, qaýipsizdik pen teń órkendeýdiń, órkenıetaralyq dıalogtyń sharty, «Ortalyq Azııanyń konfessıonaldy álemi: jaǵdaıy, táýekel men sheshimderi» konferentsııasynyń jańashyldyǵy deýge bolady.
Sondaı-aq, Konferentsııa qatysýshylary biraýyzdan Qazaqstannyń jáne Tuńǵysh Prezıdent N.Nazarbaevtyń dinder men konfessııalar arasyndaǵy beıbitshilik pen yntymaqtastyqtyń tıimdi strategııasyn qurý, Álemdik jáne dástúrli dinder lıderleriniń seziniń rólin erekshe atap ótti.
Konferentsııany qorytyndylaı kele, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń Basqarma tóraǵasy Altaı Ábıbýllaev Ortalyq Azııanyń konfessııalyq baǵytyna áser etken ǵalamdyq protsester, dinniń qazirgi álemdegi róli men mańyzyn, jańa dáýirde dinder men konfessııaaralyq qatynastardy saqtaýdyń mańyzdylyǵy jáne bolashaǵy týraly atap ótti.
«Ortalyq Azııa - aımaqtaǵy jetekshi kúshterdiń biri. Bizdiń elderimizdi dostyq qatynastar men strategııalyq seriktestik biriktiredi, bizdi ortaq tarıh, din jáne baı mádenı mura baılanystyrady. Bárimizdiń birligimiz ben kúshimiz ózara syılastyqta, ártúrlilikte jáne ártúrli konfessııalarda. Bizdiń júregimiz, oıymyz ben kózqarasymyz dıalogqa ashyq», - dedi Altaı Ábıbýllaev.
Sharadaǵy pikir alýandyǵy men oı erkindigi Azııa halyqtarynyń turaqty qaýipsizdigi úshin serpindi progress bolary, sondaı-aq, beıbit ómirdi qamtamasyz etý úshin ózekti máselelerdi sheshýge yqpal etetini sózsiz.
