Elordada «Omıkron» jáne «Delta» shtamynyń taralýy ústem – Sarqyt Beısenova

NUR-SULTAN. QazAqparat – Elordada «Omıkron» jáne «Delta» shtamynyń taralýy ústem ekeni aıtyldy. Bul týraly Nur-Sultan qalasynyń bas memlekettik sanıtar dárigeri Sarqyt Beısenova málim etti, dep habarlaıdy QazAqparat tilshisi.

«Koronavırýs ınfektsııasy taralýynyń tómendeýi men karantın talaptarynyń jeńildeýine qaramastan, onyń mýtatsııalanýy toqtaǵan emes. Sońǵy ret júrgizilgen sekvenırleý nátıjesi boıynsha bıyl qańtar aıynan bastap elordada omıkron-shtamynyń taralýy ústem. Sonymen qatar qalada «Delta» shtamynyń taralýy 29,4% -ǵa jetti. Atalǵan shtamm túrlerin juqtyrýdyń sońy kóp jaǵdaıda ólimge alyp keledi», - S. Beısenova elorda ákimdiginde onlaın ótken baspasóz máslıhatynda.

Osy oraıda bas sanıtar dáriger karantın talaptaryn saqtaý jáne ekpe alý kerektigin eske saldy.

«Sońǵy aptada syrqattanýshylyq deńgeıi aldyńǵy aptamen salystyrǵanda 2,4 ese, ıaǵnı 100 myń turǵynǵa shaqqanda 84,6-dan 33,9-ǵa deıin tómendeýi tirkeldi. Ótken táýlikte 43 jaǵdaı tirkeldi. Koronavırýstyq ınfektsııanyń damý qarqyny boıynsha RT reprodýktıvti sany 0,52 quraıdy», - deıdi ol.

Buǵan deıin 500 myńǵa jýyq astanalyqtyń indetke qarsy vaktsına alǵanyn habarlaǵan edik.