Elordada qurylys alańynda órt shyqty, 3 gaz ballony qaýipsiz jerge shyǵaryldy
ASTANA. KAZINFORM — 2 qyrkúıek kúni elordada qurylys alańynda órt shyǵyp, órt sóndirýshilerdiń jedel áreketi nátıjesinde úsh gaz ballony qaýipsiz jerge shyǵaryldy, dep habarlaıdy Tótenshe jaǵdaılar mınıstrliginiń baspasóz qyzmeti.
Oqıǵa Esil aýdanynyń E-117 kóshesinde bolǵan. Aldyn ala málimet boıynsha, eki temir konteıner — qoıma men asúı otqa oranǵan. Órttiń jalpy aýmaǵy 65 sharshy metrdi qurady.
- Órt sóndirý bólimsheleri oqıǵa ornyna shuǵyl jetip, jalyndy tolyqtaı aýyzdyqtady. Qutqarýshylardyń úılesimdi is-áreketiniń arqasynda 3 turmystyq gaz ballony qaýipsiz aımaqqa shyǵarylyp, yqtımal jarylystyń aldyn aldy, - delingen aqparatta.
Zardap shekkender týraly aqparat túsken joq. Qazirgi ýaqytta órttiń shyǵý sebebi anyqtalyp jatyr.
QR Tótenshe jaǵdaılar mınıstrligi azamattarǵa órt qaýipsizdigi erejelerin qatań saqtaýdy eskertedi.
Aıta keteıik, Almatyda úsh qabatty ǵımarattaǵy órt sóndirildi.