Elordada kún saıyn Pfizer vaktsınasynyń 500 dozasy salynyp jatyr
«Nur-Sultan qalasynda ózderińizge belgili, eki kún boldy Pfizer-men vaktsınalaý jumysyn bastap kettik. Qazirgi ýaqytta 930 adam atalǵan vaktsınanyń birinshi dozasyn alyp úlgerdi. Olardyń 643-i – 18 jasqa deıingi balalar. Balalarda da, eresek adamdar da eshqandaı asqyný jaǵdaılary baıqalǵan joq. Biz árbir vaktsına salǵan adamdarmen kúnine 2-3 ret habarlasyp, jaǵdaılaryn surap otyramyz», - dedi T. Muratov №71 mektep-lıtseıde tilshilerge bergen suhbatynda.
Onyń aıtýynsha, Pfizer vaktsınasy qala boıynsha barlyq emhanada qoljetimdi jáne jetkilikti.
«Elordaǵa 33 myń doza kelip tústi. Ekpe salý jańa ǵana bastalǵandyqtan salyný qarqynyna qaraı vaktsına taǵy da jetkiziledi dep kútilýde. Eki kúnniń ishinde 930 dozasy salyndy. Kún saıyn ázirge 500 dozadan salynyp jatyr dep oılaımyn. Bul áli jumystyń basy. Bolashaqta áli de ósýi múmkin», - dedi T. Muratov.
Aıta keteıik, QR densaýlyq saqtaý vıtse-mınıstri Ajar Ǵınııat pen Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova jáne elordalyq densaýlyq saqtaý basqarmasy balalar vaktsınatsııasyn baqylaý úshin elordalyq №71 mektep-lıtseıge bardy.
Qazaqstanda 3300 bala Pfizer vaktsınasyn saldyrdy jáne eshqaısysynan qatty janama áser baıqalǵan joq.
