Elordada krematorıı qurylysy bastaldy
«Nur-Sultan qalalyq qurylys basqarmasy» memlekettik mekemesi «Bıologııalyq jáne medıtsınalyq qaldyqtardy joıatyn patologoanatomııalyq bıýro» nysany boıynsha qúrylys-montajdaý jumystaryn júrgizip jatyr. Qurylys memlekettik saraptamadan ótken jobalyq-smetalyq qujattamaǵa saı júrgizilýde. Búginde nysan qazandyǵyn qazý jumystary bastaldy», - dep atap ótti elorda ákimdiginiń baspasóz qyzmetinen.
Ákimdik nysan qurylysyna qansha qarajat qajet ekendigin jarııa etken joq. Biraq krematorııdiń Almaty aýdanynda salynyp jatqanyn atap ótti.
Este bolsa, 2020 jyldyń tamyzynda elordada salynatyn krematorıı qurylysyna 1,5 mlrd teńge qajet ekendigi aıtylǵan-dy. Bul nysan elimizdegi ekinshi krematorıı bolmaq. Ol Almaty qalasynyń Alataý aýdany Aqyn Sara kóshesiniń soltústik bóliginde, JEO-2 shyǵysyna qaraı ornalasqan patologoanatomııalyq bıýro janynan (syrtqy ınjenerlik jelilersiz) salyndy. Qurylysy os y jyldyń naýryz aıynda aıaqtaldy, quny - 1,3 mlrd teńge.
Elimizge krematorııdiń ne úshin qajet ekendigin QR Ádilet mınıstrliginiń sarapshylyq jumysyn uıymdastyrý departamentine qarasty Sot saraptamalary ortalyǵynyń jumysyn baqylaý basqarmasynyń basshysy Temirbolat Qojamjarov túsindirgen edi.
