Elordada QR Konstıtýtsııasy kúnine oraı 50-den astam shara ótedi
28 tamyzda «Dýman» qonaq úıinde «Konstıtýtsııa - qoǵam men memlekettiń damýynyń strategııalyq negizi» taqyrybynda ǵylymı-praktıkalyq konferentsııa ótedi. Sonymen qatar Kongress-holl saraıynda kópshilik nazaryna merekelik kontsert usynylady. 29 tamyzda Beıbitshilik jáne Kelisim saraıynda memlekettik merekege arnalǵan saltanatty jınalys pen kontsert uıymdastyrylady. 30 tamyzda Ortalyq alańda qala turǵyndary men qonaqtaryna arnalǵan merekelik kontsert qoıylady. Elordalyq bilim mekemeleri, murajaılar men kitaphanalarda da merekelik is-sharalar, atap aıtqanda, ekskýrsııalar, dóńgelek ústelder, taqyryptyq keshter uıymdastyrylady. Qalalyq balalar kitaphanalary kishkentaı astanalyqtarǵa arnalǵan tanymdyq taqyryptyq keshter ótkizedi. Ekspozıtsııalarda Ata Zańymyzdan úzindiler keltirilip, sondaı-aq elimizdiń memlekettik nyshandary týraly jazylǵan ıllıýstratsııaly jýrnaldar qoıylady. Halyqtyń áleýmettik qorǵalmaǵan toptaryna baǵyttalǵan is-sharalar da qolǵa alynady. Zeınetkerlerge 3 myń teńge kóleminde bir rettik aqshalaı kómek kórsetiledi. Qarttar men múgedekterge arnalǵan medıtsınalyq mekemede «Naz» bı teatrynyń qaıyrymdylyq kontserti ótedi. Al 29-30 tamyzda saýda ortalyqtarynda merekelik jeńildikter jasalady. Konstıtýtsııa kúni kámeletke tolǵan elordalyqtardyń da jadynda qalmaq. Dástúr boıynsha olarǵa saltanatty jaǵdaıda Qazaqstan azamatynyń jeke kýáligi tabystalady. Mereke kúnderi elorda turǵyndary men qonaqtary úshin jastar aktsııalary men flesh-mobtar, balalar arasynda asfaltqa sýret salý baıqaýlary men sporttyq sharalar, jarystar uıymdastyrylady. QR Konstıtýtsııa kúnine arnalǵan sharalar Mıchýrıno, Zarechnyı, Ilınka, Kóktal eldi mekenderinde de ótedi.