Elordada QR Konstıtýtsııasy kúnine arnalǵan merekelik sharalar bastaldy

ASTANA. 30 tamyz. QazAqparat - QR Konstıtýtsııasy kúni elorda turǵyndary men qonaqtary memlekettik merekege arnalǵan qyzyqty merekelik baǵdarlamany tamashalaı alady. Búgin Astanada mádenı sharalar men merekelik kontsertter ótedi, dep habarlady elorda ákimdiginen.

Basty merekelik sharalar ótetin oryn - «Báıtrek» monýmentiniń janyndaǵy alań. Tań atysymen munda sahnaǵa shyqqan qalanyń shyǵarmashylyq ujymdary men otandyq estrada juldyzdary Astananyń turǵyndary men qonaqtaryna merekelik kóńil-kúı syılaýda. Kontserttik baǵdarlama tańertegi 10-da 2 mýzykalyq mektebiniń tárbıelenýshileri men «Aınalaıyn» horynyń kontsertimen ashyldy.

Ortalyq alań men Ákimdik aldynda kúni boıy kontsert ótedi, ol Qazaqstan estarada juldyzdarynyń qatysýmen ótetin merekelik bı keshimen aıaqtalady. Tań atqannan munda balalardyń shyǵarmashylyq ujymdarynyń kontserti bastaldy, ol saǵat 13.00-ge deıin jalǵasady, al Memlekettik fılarmongııanyń kontserti 13.00-den 16.00-ge deıin ótedi, al Astananyń shyǵarmashylyq ujymdary saǵat 16.00-den 17.00-ge deıin óner kórsetedi.

Konstıtýtsııa kúnine arnalǵan basty merekelik kontsert Qazaqstan estrada juldyzdarynyń qatysýmen Astananyń ortalyq alańynda saǵat 18.00-den 21.00-ge deıin ótedi.