Elordada kóshi-qon zańnamasyn buzǵan Pákistan azamattary elden shyǵaryldy

ASTANA. KAZINFORM – «Quqyqtyq tártip» jedel-profılaktıkalyq is-sharasy barysynda kóshi-qon qyzmetiniń mamandary Pákistan Islam Respýblıkasynyń alty azamatyn anyqtady. Bul týraly Astana qalasynyń polıtsııa departamentiniń baspasóz qyzmeti habarlaıdy.

- Atalǵan el azamattary Qazaqstanǵa týrıst retinde kelgen, biraq saıahattaýdyń ornyna qurylys alańynda jumysqa ornalasyp, elde bolý merziminen asyp ketkeni anyqtaldy. Osylaısha olar Qazaqstan Respýblıkasynyń kóshi-qon zańnamasyn buzǵan. Sot sheshimimen tártip buzýshylar ákimshilik jaýapkershilikke tartylyp, el aýmaǵynan kúshtep shyǵaryldy, - delingen habarlamada.

Elorda polıtsııasynyń málimetine súıensek, jalpy jedel-profılaktıkalyq is-shara barysynda zań buzýshylyqqa jol bergen 422 shetel jáne 70 Qazaqstan azamatyn anyqtaldy. Іs-shara nátıjesinde 72 shetel azamaty elden shyǵaryldy.

Osy oraıda Polıtsııa departamenti elge zańsyz kelgen shetel azamattary týraly aqparat bolsa, dereý jaqyn jerdegi ishki ister basqarmasyna nemese «102» nómirine habarlasýdy suraıdy.

Eske sala ketsek, senator Bıbigúl Jeksenbaı Qazaqstandaǵy zańsyz kóshi-qonnyń ósýi elimizdegi áleýmettik turaqtylyq pen qaýipsizdikke qaýip tóndiretin basty problemanyń birine aınalyp jatqanyn aıtyp dabyl qaqqan edi.