Elordada koronavırýs juqtyrǵandardyń 70 paıyzynan omıkron tabyldy

NUR-SULTAN. QazAqparat – Elordada omıkron shtamy órship tur. Bul týraly Nur-Sultan qalasynyń bas sanıtar dárigeri Sarhat Beısenova aıtty, dep habarlaıdy QazAqparat tilshisi.

«Aýrýdyń órshýine baılanysty jyl basynda naýqastardan alynǵan 51 PTR-diń oń synamasyna sekvenırleý júrgizildi. Nátıjesinde omıkron shtamy koronavırýspen aýyrǵan elordalyqtardyń 70,6 paıyzynan, al delta shtamy 29,4 paıyzynan tabyldy. Osylaısha, elordada omıkron shtamynyń aınalymy basymdyqqa ıe. Biraq, delta shtammy kezinde aýrýdyń óte aýyr formada ótetinin, ólim-jitim kórsetkishi joǵary ekendigin esten shyǵarmaý qajet», - dedi Sarhat Beısenova elorda ákimdiginde uıymdastyrylǵan brıfıng barysynda.

Onyń atap ótýinshe, koronavırýspen aýyrǵandardy barynsha anyqtaý maqsatynda qalada 24 zerthana jumys istep tur.

Olar kún saıyn 5 myńnan 11 myńǵa deıin PTR-testi jasalady.

Jalpy, jyl basynan beri elordada 295 844 zertteý júrgizilip, 84 310 naýqas anyqtaldy.

«Qalada aýrýdyń tómendeýi eń aldymen halyqtyń ujymdyq ımmýnıtetke jaqyndaýyna baılanysty. ıAǵnı, vaktsına alǵan turǵyndardyń, aýyryp jazylǵandardyń úlesi ulǵaıdy. Elordada qazirgi ýaqytta vaktsınanyń 1-komponentin saldyrǵandar sany - 503 967, ekinshi komponnent - 471 619 adam. Onyń ishinde 73 885 adam revaktsına aldy», -dedi bas sanıtar dáriger.