Elordada koronavırýs juqtyrǵandar sany bir aptada 2,8 ese azaıdy
«Elordada sońǵy aptada COVID-19 boıynsha epıdemıologııalyq jaǵdaıdyń turaqtalýy baıqalyp, aýrýdyń oń dınamıkamen tómendegeni baıqalady. Máselen, ótken aptamen salystyrǵanda aýrý kórsetkishi - 2,8 ese, ıaǵnı 100 myń turǵynǵa shaqqanda 749,0-den 260,6-ǵa deıin tómendedi. Biraq, turaqtaný úrdisine qaramastan, KVI-men syrqattanýshylyqty tirkeý joǵary deńgeıde jáne qala «qyzyl» aımaqta qalyp otyr»,- dedi ol.
Onyń atap ótýinshe, ótken táýlikte 305 rastalǵan jaǵdaı tirkelip, ósim 0,15 paıyzdy qurady. Reprodýktıvti sany - 0,505.
«Osy jyldyń basynan beri elordada barlyǵy 83 917 jaǵdaı tirkelgen. Onyń ishinde 79 127 jaǵdaı qańtar aıynda tirkelip, bul pandemııa kezindegi rekordtyq aılyq kórsetkish boldy. Tıisinshe, qańtar aıynda oń nátıjelerdiń úles salmaǵynyń kórsetkishi 53 paıyzǵa deıin jetti», - dedi Sarhat Beısenova.