Elordada Konstıtýtsııanyń 25 jyldyǵyna oraı qandaı is-sharalar ótedi
Elorda ákimdiginiń saıtyna jarııalaǵan málimetke qaraǵanda, Konstıtýtsııasynyń 25 jyldyǵyna arnalǵan is-sharalar jospary bekitilgen. Atap aıtqanda, 10-29 tamyzda «Konstıtýtsııa bostandyqtyń kepili» án chellendji bastalady.
14 tamyz kúni Ál-Farabı atyndaǵy oqý-tárbıe ortalyǵy ashylady.
Ortalyqtandyrylǵan kitaphanalar júıesi 15-31 tamyz aralyǵynda ıllıýstratsııalyq kitap – onlaın-ınstallıatsııa usynady.
Al, 25 tamyzda «Men óz quqyǵymdy bilemin» atty balalar sýret baıqaýy ótedi.
26 tamyzda Ál-Farabı atyndaǵy oqýshylar saraıynda «Ata zańym – ardaǵym» aqyndar baıqaýy uıymdastyrylsa,
Qalalyq Memlekettik arhıvi 27 tamyz-4 qyrkúıek aralyǵynda Konstıtýtsııanyń 25 jyldyǵyna arnalǵan kórme ótkizedi.
28 tamyz kúni «Naz» memlekettik bı teatry «Ata zań - eldiń aıbyny, erkindigi, baılyǵy» atty onlaın kontsert qoıady.
Sondaı-aq 28 tamyzda «halyq dop» boıynsha «Elordalyq balalar – sporttyq aýysym» atty chempıonat ótedi. 29-30 tamyzda áleýmettik jaǵdaıy tómen otbasylarǵa arnalǵan EMB qaıyrymdylyq sharalary uıymdastyrylady.
«Jastar teatry» 30 tamyz kúni áleýmettik jeli arqyly «Aıbarly asqar eldi asqaqtatar Ata Zań» atty onlaın-kontsert tartý etedi. Dál sol kúni «Nomad» teatry akterleri patrıottyq ándermen onlaın quttyqtaý joldaıdy.
30 tamyzda elordalyq fılarmonııa ártisteri Astana kontsert zalynda
Konstıtýtsııa kúnine arnalǵan kontsert ótkizedi.
Sondaı-aq, Konstıtýtsııanyń 25 jyldyǵyna arnalǵan dóńgelek ústel otyrysyn ótkizý,«Qazaqstan Respýblıkasynyń Konstıtýtsııasyna 25 jyl», «Qazaqstan halqynyń Assambleıasyna 25 jyl» mereıtoılyq medaldarymen qoǵam belsendilerin marapattaý josparlanyp otyr.