Elordada Konstıtýtsııa kúninen oraı halyqaralyq dóńgelek ústel ótti
QR Prezıdenti janyndaǵy Qazaqstan strategııalyq zertteýler ınstıtýty uıymdastyrǵan is-shara oflaın jáne onlaın formatynda boldy.
«Bas qosýymyzdyń sebebi – Qazaqstan Respýblıkasynyń Konstıtýtsııa kúni. Bul mańyzdy memlekettik mereke. Búgingi is-sharada Konstıtýtsııamyzdyń daıyndalýyna, onyń jańǵyrtylýyna úles qosqan elimizdiń tanymal zańgerleri, qurmetti azamattary otyr. Dóńgelek ústel ótkizýimizdiń taǵy bir sebebi - «Qasym-Jomart Toqaev. Qazaqstan Respýblıkasy Prezıdentiniń tańdamaly eńbekteri» kitabynyń tusaýkeseri. «CNPC International in Kazakhstan LTD» kompanııasynyń qoldaýymen Qazaqstan–Nemis ýnıversıtetiniń Halyqaralyq jáne aımaqtyq yntymaqtastyq ǵylymı-zertteý ınstıtýty daıyndaǵan. Basylymnyń jaýapty redaktory - Halyqaralyq jáne aımaqtyq yntymaqtastyq ǵylymı-zertteý ınstıtýty dırektory, tarıh ǵylymdarynyń doktory, professor Bolat Sultanov», - dedi jıyndy ashqan Qazaqstan strategııalyq zertteýler ınstıtýtynyń dırektory Zarema Sháýkenova.
Dóńgelek ústelge qatysýshylar Qazaqstandaǵy konstıtýtsııalyq qurylystyń ózekti máselelerin, Qazaqstan Respýblıkasynyń Tuńǵysh Prezıdenti Elbasy N.Nazarbaevtyń ıdeıalyq shabyttandyrýshy jáne Qazaqstan Respýblıkasy Konstıtýtsııasynyń avtory retinde memleketimizdiń berik quqyqtyq negizin qurýdaǵy úlesin, el Prezıdenti Q.Toqaevtyń elimizdiń negizgi Zańynyń myzǵymastyǵynyń kepili retindegi jetekshi rólin talqylady.
