Elordada Konstıtýtsııa kúnine oraı jappaı merekelik is-sharalar ótedi
«30-31 tamyzda «Báıterek» monýmentiniń aldyndaǵy alańda ótetin merekelik is-sharalar barysynda qalalyq shyǵarmashylyq ujymdar men otandyq estrada juldyzdary óner kórsetedi. Kontserttik baǵdarlamany saǵat 10.00-de №2 mýzyka mektebiniń tárbıelenýshileri men «Aınalaıyn» hory ashady. Astana qalasynyń qýyrshaqtar teatry teatrlandyrylǵan qoıylym kórsetse, «NAZ» bı teatrynyń ártisteri óz ónerlerin ortaǵa salady»,-delingen elordanyń resmı saıtynda.
Sonymen qatar, «Stýdentter saıabaǵynda» da qala turǵyndary men qonaqtaryna arnalǵan merekelik is-sharalar uıymdastyrylady. Merekeni memlekettik fılarmonııanyń kontserttik baǵdarlamasy ashady. Saǵat 13.00-14.00 aralyǵynda Astana qalasynyń kórkemónerpazdar ujymynyń kontserti ótedi. Budan ári «NOMAD» balalar shyǵarmashylyq ujymy óner kórsetedi, saǵat 15.00-16.00-de Astana qalasynyń jeke oryndaýshylary án shyrqaıdy, al 16.00-17.00-de qýyrshaqtar teatrynyń teatrlandyrylǵan qoıylymy bolady, 17.00-18.00 «NAZ» teatrynyń kontserti, saǵat 18.00-19.00-de «Kóńildi tapqyrlar teatry» kontserti ótedi.
Ákimdik aldyndaǵy ortalyq alańda qazaqstandyq estrada juldyzdarynyń qatysýymen bı keshi ótedi. Saǵat 10.00-13.00 aralyǵynda balalar shyǵarmashylyq ujymdarynyń, saǵat 13.00-16.00-de Memlekettik fılarmonııanyń kontserti uıymdastyrylady, 16.00-17.00 aralyǵynda Astana qalasynyń shyǵarmashylyq ujymdary óner kórsetedi.
Konstıtýtsııa kúnine oraılastyrylǵan basty merekelik kontsert alańda saǵat 18.00-21.00 kezinde bastalady.
Budan basqa, 30-31 tamyzda saǵat 10.00-19.00 aralyǵynda barlyq úsh alańda «Sportshylar jetistigi!» jarysy uıymdastyrylady. Munymen qosa, elorda turǵyndary men qonaqtaryna arnalǵan merekelik saýda qyzady. Ortalyq alańda 10 iri jáne 24 usaq bólshek saýda orny, «Báıterek» monýmentiniń aldyndaǵy alańda 8 iri jáne 10 usaq, "Stýdentter saıabaǵynda" - 13 iri jáne 10 usaq saýda orny ashylady.