Elordada kómirdi qaıdan jáne qandaı baǵada alýǵa bolady

ASTANA. KAZINFORM – Bıyl elordada turǵyndarǵa kómir satýǵa arnalǵan 17 qoıma (tuıyq) bar, olardyń ishinde 14 satý orny jumys istep tur. 

– Barlyǵy tıisti ınfraqurylymmen jáne tıeý-túsirý tehnıkasymen tolyq jabdyqtalǵan, - dep habarlaıdy Astana ákimdiginiń resmı saıty.

Bul satý oryndarynda 8 kómir jetkizýshi kompanııa qyzmet kórsetedi. Olar myna mekenjaılarda ornalasqan: Gertsen kóshesi, 4/1, Gertsen kóshesi, 6/2, Kóktal, 28/2, Maqat, 40, Jambyl Jabaev kóshesi, 76, Ahmet Jubanov kóshesi, 35, Dýlatov kóshesi, 182/1, 85-kóshe (JEO-3 aýdany), ých. 9A, Gertsen kóshesi, 6B.

Qazirgi tańda Astanada kómirdiń ortasha baǵasy mynadaı:

• Shubarkól – 18 000 teńge/tonna;

• Qarajyra – 18 500 teńge/tonna;

• Maıkóbe – 15 500 teńge/tonna.

Eske sala keteıik, qalada «109» biryńǵaı nómiri boıynsha baılanys ortalyǵy jumys isteıdi. Osy nómir arqyly kómirdiń qoljetimdiligi, baǵasy jáne satý oryndary týraly qajetti aqparat alýǵa bolady.

Buǵan deıin elimizde kómir óndiretin 30 kásiporynda 32 myńnan asa adam eńbek etetinin jazǵan edik.